بۇل عىلىمي جيىن "قازاق ءتىلى ءالىپبيىن لاتىن گرافيكاسىنا 2025 جىلعا دەيىنگى كەزەڭ-كەزەڭىمەن كوشىرۋ جونىندەگى ءىس-شارالار جوسپارى" اياسىندا ۇيىمداستىرىلدى.
وتىرىسقا ء بىلىم جانە عىلىم مينيسترلىگى عىلىم كوميتەتىنىڭ توراعاسى ج.قۇرمانعاليەۆا قاتىسىپ, جاڭا ءالىپبيدى ەنگىزۋ ماسەلەلەرى بويىنشا ءسوز سويلەدى.
وتىرىس قر مادەنيەت جانە سپورت مينيسترلىگى ءتىل ساياساتى كوميتەتى توراعاسىنىڭ مىندەتىن اتقارۋشى, ورفوگرافيالىق جۇمىس توبىنىڭ مۇشەسى ءا.ك.قابانىڭ توراعالىعىمەن ءوتتى.
وتىرىسقا ورفوگرافيالىق جۇمىس توبىنىڭ قۇرامىنداعى ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ, اباي اتىنداعى قازاق ۇلتتىق پەداگوگيكالىق, نازارباەۆ, ل.ن.گۋميلەۆ اتىنداعى ەۋرازيا ۇلتتىق, ە.ا.بوكەتوۆ اتىنداعى قاراعاندى مەملەكەتتىك, پاۆلودار مەملەكەتتىك پەداگوگيكالىق ۋنيۆەرسيتەتتەرىنىڭ جانە ش.شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعىنىڭ عالىمدارىنان تۇراتىن جۇمىس توبىنىڭ مۇشەلەرى قاتىستى.
ءالىپبيدى جەتىلدىرۋ جۇمىستارىنىڭ بارىسى تۋرالى قر مادەنيەت جانە سپورت مينيسترلىگى ءتىل ساياساتى كوميتەتى توراعاسىنىڭ ورىنباسارى, ورفوگرافيالىق جۇمىس توبىنىڭ مۇشەسى ءا.ك.قابا نەگىزگى بايانداما جاسادى. ول ءوز بايانداماسىندا مينيسترلىك تاراپىنان جاڭا ءالىپبيدى قابىلداۋعا بايلانىستى جۇمىستاردىڭ ماقساتى, ناتيجەسى جونىندە تولىق اقپارات بەردى. سونىمەن بىرگە الدا تۇرعان مىندەتتەر جونىندە دە ايتىپ ءوتتى.
ءالىپبيدىڭ جەتىلدىرىلگەن نۇسقاسىنىڭ جوباسى احمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ جانە ش.شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعىنىڭ عىلىمي كەڭەستەرىندە تالقىلانىپ, ورفوگرافيالىق جۇمىس توبىنىڭ قاراۋىنا ۇسىنىلعان. وتىرىستا وسى جوبالار جۇمىس توبى مۇشەلەرى تاراپىنان كەڭىنەن تالقىلاندى. عالىمداردىڭ ۇسىنىستارى مەن پىكىرلەرى تىڭدالدى.
كۇن تارتىبىندە, سونداي-اق, قازاق ءتىلىنىڭ ەملە ەرەجەلەرى بويىنشا ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى, فيلولوگيا عىلىمدارىنىڭ كانديداتى ا.فازىلجانوۆا بايانداما جاسادى. ءالىپبي جوبالارىنىڭ ءىت باعدارلامالارعا سايكەستىگى بويىنشا ۇلتتىق كوميسسيا جانىنداعى تەحنيكالىق جانە اقپاراتتىق سۇيەمەلدەۋ جونىندەگى جۇمىس توبىنىڭ مۇشەسى, ءىت مامانى ر.ىزعالي بايانداما جاسادى.
ۇلتتىق كوميسسيا جانىنداعى ورفوگرافيالىق جۇمىس توبىنىڭ مۇشەلەرى وسى عىلىمي جيىندا تالقىلاپ, عالىمدار ماقۇلداعان لاتىن ءالىپبيىنىڭ جوباسى ۇلتتىق كوميسسياعا جىبەرىلەتىن بولىپ شەشىلدى. سونىمەن بىرگە ەملە ەرەجەلەرى دە جۇمىس توبى مۇشەلەرى تاراپىنان تاعى دا پىسىقتالىپ, اتالعان كوميسسياعا ۇسىنىلاتىن بولدى.
