"بۇگىنگى تاڭدا دەنساۋلىق ساقتاۋ جۇيەسى ۇزدىكسىز جۇمىس جاساپ جاتىر. بۇعان بىرنەشە سەبەپ بار", - دەدى سپيكەر. الماتى قالاسىندا جۇمىس ىستەيتىن باسقا ايماقتىڭ ازاماتتارى كوپ. ال بۇل فاكتور ينفەكتسيانىڭ تارالۋ دەڭگەيىنە ايتارلىقتاي اسەر ەتكەندىكتەن اۋرۋلاردىڭ كوبەيۋى بايقالادى. سونىمەن قاتار, كۇن سايىن جاقىن ورنالاسقان وبلىستاردان جۇزدەگەن ازاماتتار الماتىداعى مەديتسينالىق مەكەمەلەرگە جۇگىنەدى. مەديتسينالىق كومەك الۋ ءۇشىن قالانىڭ دەنساۋلىق ساقتاۋ ۇيىمدارىنا جۇگىنەتىن ازاماتتار سانى شامامەن 20-25%.
سونداي-اق, 60 مىڭعا جۋىق ازامات الماتى قالاسىندا تۇرىپ جاتىر, بىراق تىركەۋدە جوق. مۇنداي مالىمەتتەردى بريفينگ بارىسىندا الماتى قالالىق دەنساۋلىق ساقتاۋ باسقارماسىنىڭ باستىعى كامالجان نادىروۆ ايتتى. ونىڭ ايتۋىنشا, قالادا 15 رەسپۋبليكالىق مەديتسينالىق ۇيىم جۇمىس ىستەيدى. ول جەرلەردە باسقا ءوڭىردىڭ 80% تۇرعىندارى ەم الادى. ادامدار كوپ ءارى تىعىز بولىپ تابىلاتىن جوعارى جوعارى وقۋ ورىندارى, كوللەدجدەر, اسكەري بولىمدەر, شەكارا اسكەرلەرى اكادەمياسى, ءىىم جانە باسقا دا ءبىلىم بەرۋ ۇيىمدارى COVID-19 اۋرۋىنىڭ كوبەيۋىنە اسەر ەتكەن.
