قوعام • 22 شىلدە، 2020

اتاۋلى الەۋمەتتىك كومەك تاعايىنداۋ مەرزىمى ۇزارتىلدى

29 رەت كورسەتىلدى

620 مىڭنان استام قازاقستاندىققا اتاۋلى الەۋمەتتىك كومەك تاعايىنداۋ مەرزىمى ۇزارتىلدى. بۇل تۋرالى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.

121 مىڭ وتباسىنا، ياعني 625 مىڭ قازاقستاندىققا اتاۋلى الەۋمەتتىك كومەكتى تاعايىنداۋ مەملەكەتتىك مەكەمەلەرگە جۇگىنبەستەن، اۆتوماتتى تۇردە ۇزارتىلدى.

سونداي-اق، 13 مىڭ ادام اتاۋلى الەۋمەتتىك كومەككە eGov.kz پورتالى ارقىلى جۇگىندى. بۇل اعىمداعى جىلدىڭ II توقسانىندا ااك الۋشى بولماعان ازاماتتار.

بۇدان بۇرىن حابارلانعانداي، ەڭبەك جانە حالىقتى الەۋمەتتىك قورعاۋ مينيسترلىگى اعىمداعى جىلدىڭ ەكىنشى ءىىى اتاۋلى الەۋمەتتىك كومەكتى العاندارعا ءۇشىنشى توقساندا دا 1 شىلدەدەن باستاپ ونى ۇزارتۋدى كوزدەيتىن بۇيرىق قابىلدادى. بۇل شارا ازاماتتاردىڭ اكىمدىكتەر مەن جۇمىسپەن قامتۋ ورتالىقتارىنا جاپپاي جينالۋىن بولدىرماۋعا مۇمكىندىك بەردى. وسىلايشا، ازاماتتاردىڭ كوروناۆيرۋستىق ينفەكتسيانى جۇقتىرۋ قاۋپى ازايدى.

ءوتىنىشتى العاشقى بەرگەن كەزدە جۇمىسپەن قامتۋ ورتالىقتارىنىڭ قىزمەتكەرلەرى مەملەكەتتىك ورگانداردىڭ اقپاراتتىق دەرەكقورلارىنداعى قۇجاتتاردى تەكسەردى. سونىمەن بىرگە، ۋچاسكەلىك كوميسسيالار ءوتىنىش بەرۋشىلەردىڭ مالىمەتتەرىن مەسسەندجەرلەر ارقىلى كوزبە-كوز كەزدەسۋ وتكىزبەستەن تەكسەردى.

"ااك ۇزارتۋ كەزىندە كەيبىر كىرىستەر ەسكەرىلمەدى. ماسەلەن، تاۋەلسىز جۇمىسكەرلەردىڭ 2020 جىلعى II توقسانداعى جيىنتىق تابىسىن ەسەپتەۋ كەزىندە ايلىق ەسەپتىك كورسەتكىشتىڭ 25 ەسەلەنگەن مولشەرىندەگى تابىسى توتەنشە جاعداي كەزەڭىندەگى شەكتەۋلەر سالدارىنان كىرىسى جوعالعان جاعدايدا بىرىڭعاي جيىنتىق تولەمدى جانە الەۋمەتتىك تولەمدەردى تولەۋگە بايلانىستى كىرىس رەتىندە قاراستىرىلمادى. سونىمەن قاتار، ازىق-ت ۇلىك پەن تۇرمىستىق جيىنتىقتارعا جانە توتەنشە جاعداي كەزىندە كوممۋنالدىق شىعىنداردى وتەۋگە بولىنگەن اقشالاي تولەمدەر ەسەپكە الىنعان جوق"، - دەلىنگەن حابارلامادا.
بۇعان دەيىن، 1-توقساندا ااك الۋشىلارعا تولەمدەردى تاعايىنداۋ سول كەزدەگى توتەنشە جاعدايعا بايلانىستى 2-توقساندا ۇزارتىلعان بولاتىن. وسىلايشا، ەكىنشى توقساندا 561 مىڭ قازاقستاندىق ااك-ءتى مەملەكەتتىك ورگاندارعا جۇگىنبەي-اق اۆتوماتتى تۇردە الدى.

ەسكە سالا كەتەيىك، 14 شىلدەدە قر پرەمەر-ءمينيسترى اسقار مامين ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ مينيسترلىگىنە ااك-ءتى ۇستىمىزدەگى جىلدىڭ ءىىى توقسانىنا قولدا بار مالىمەتتەر نەگىزىندە پرواكتيۆتى تاعايىنداۋدى تاپسىردى.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار