ايماقتار • 22 شىلدە، 2020

شىمكەنتتە 195-ورامداعى ينفراقۇرىلىم ماسەلەسى جىل سوڭىنا دەيىن تولىعىمەن شەشىلەدى

17 رەت كورسەتىلدى

شىمكەنت قالاسىنداعى بادام شاعىن اۋدانىنا قاراستى 195-ورام تۇرعىندارى  بيىل تولىعىمەن اۋىز سۋ مەن كوگىلدىر وتىنعا جانە ەلەكتر جارىعىمەن قامتاماسىز ەتىلەتىن بولادى. اتالعان شاعىن اۋداننىڭ تۇرعىندارىمەن كەزدەسكەن ءال-فارابي اۋدانىنىڭ اكىمى عابيت ماۋلەنقۇلوۆ وسىلاي دەدى، - دەپ جازادى Egemen.kz

كەزدەسۋ بارىسىندا اۋدان اكىمى بارلىق ينفراقۇرىلىم جۇمىستارى اياقتالعان سوڭ اسفالت جول توسەلىپ، قوعامدىق كولىكتە قاتىنايتىنىن جەتكىزدى. سونداي-اق، ول الداعى ۋاقىتتا مەكتەپ پەن بالاباقشا سالىناتىنىن دا اتاپ ءوتتى.

بۇعان دەيىن 195-ورامداعى 300-گە جۋىق وتباسى سۋدى تاسىمالداپ پايدالانىپ كەلگەن  بولسا،  جەكە مەنشىك  قۋات رەتتەگىشتەن قىمبات ەنەرگيا جارىعىن الىپ كەلگەن.

مامىر ايىندا باستالعان قۇرىلىس جۇمىستارى توقتاۋسىز ءجۇرىپ جاتىر. جاۋاپتى مەردىگەر كومپانيا "جانىبەك ايدوس" جشس-ءنىڭ پرورابى تەڭەل جاقسىمۇراتوۆ نىساندى قاراشا ايىندا تاپسىرامىز دەپ وتىر. 

سوڭعى جاڭالىقتار

ۇقساس جاڭالىقتار