كەزدەسۋدە ءوڭىر باسشىسى كارانتيندىك رەجيمگە بايلانىستى ايماقتاعى الەۋمەتتىك تولەمدەردىڭ جۇيەلى جۇرگىزىلۋىن تاپسىردى.
"ەپيدەميالىق احۋال كۇردەلى. كوپ كاسىپكەرلىك نىسانداردا كارانتين رەجيمىنە سايكەس جۇمىس توقتاپ تۇر. سول سەبەپتى الەۋمەتتىك تولەمدەردىڭ دۇرىس ۇيىمداستىرىلۋىن باقىلاۋعا الىڭىزدار", دەدى وبلىس اكىمى گۇلشارا ابدىقالىقوۆا.
ايتا كەتەيىك, كارانتين ۋاقىتىندا تابىسىنان ايىرىلعان وبلىسىمىزدىڭ 58 985 تۇرعىنىنا 42 500 تەڭگە كولەمىندە تولەم جاساۋعا جىبەرىلىپ, بۇگىندە 43 482-ءسىنىڭ ەسەپ شوتىنا ءتۇستى. ال, 33 280 قىزىلوردالىققا اۆتوماتتى تۇردە SMS جولدانىپ, تابىسىنان ايىرىلعاندىعىن راستاۋ جۇمىستارى جۇرگىزىلدى. جالپى ءموبيلدى قوسىمشالار مەن ۆەبسايتتار ارقىلى قازىرگى تاڭدا 29 128 ءوتىنىم كەلىپ ءتۇستى.
ەستەرىڭىزگە سالا كەتەيىك, وتىنىشتەر ەgov.kz ەلەكتروندى ۇكىمەت پورتالى مەن 42 500.enbek.kz ۆەب-سايتى, Telegram-بوت, kaspi.kz, HomeBank ء موبيلدى قوسىمشالارى ارقىلى 20 شىلدەدەن باستاپ 1 قىركۇيەككە ونلاين تۇردە جولداۋعا بولادى.
