ايماقتار • 21 شىلدە، 2020

سولتۇستىكتە از قامتىلعان وتباسىلار كومپيۋتەرگە قول جەتكىزەدى

42 رەت كورسەتىلدى

وبلىستىق اكىمدىكتىڭ وتىرىسىندا جاڭا وقۋ جىلىنا دايىندىقتىڭ بارىسى پىسىقتالدى. بارلىعى 80 مىڭعا جۋىق وقۋشىنىڭ اۋىلدىق جەرلەردەگى 14 مىڭدايى پارتالارعا وتىرادى. قالعانى، بۇل – 81 پايىز، ەكى توقسان بويى بىلتىرعى جىلدىڭ سوڭعى توقسانىنداعىداي قاشىقتان وقيتىن بولادى، دەپ حابارلايدى Egemen.kz

وبلىس اكىمدىگىندە بولعان وتىرىستا سقو اكىمى قۇمار اقساقالوۆ بارلىق اۋداندىق اكىمدىكتەر مەكتەپكە باراتىن بالالاردىڭ قاۋىپسىزدىگىن قامتاماسىز ەتۋى كەرەكتىگىن تاپسىردى.

"قازىر بارلىق اۋداندىق اكىمدىكتەردە ۇنەمدەۋدىڭ ارقاسىندا قوسىمشا قاراجاتتار پايدا بولدى. سولاردىڭ ەسەبىنەن بەتپەردەلەر، انسەپتيكتەر، دوزاتورلار، تەپلوۆيزورلار ساتىپ الىنىپ، مەكتەپتەر مۇندايلارمەن تولىق قامتاماسىز ەتىلسىن. باسقا باسىمدى ەمەس شىعىستار ازايتىلسىن. بارىنەن دە بالالاردىڭ دەنساۋلىعى قىمبات"، دەدى ول ءوزىنىڭ سوزىندە.

سونىمەن بىرگە اكىم بارلىق مەكتەپتەردىڭ كەڭ جولاقتى ينتەرنەتپەن قامتاماسىز ەتىلۋىن تاپسىردى. بيىل مەكتەپتەرگە 1000 كومپيۋتەر الۋ جوسپارلانعان، قازىردىڭ وزىندە 580 ساتىپ الىندى. اكىم قازىر از قامتىلعان وتباسىلارىنىڭ تىزىمدەرىن جاساپ، ولارعا كومپيۋتەرلەر بەرۋدى تاپسىردى.

سونىمەن بىرگە اكىم مەكتەپتەردىڭ اۆتوكولىكپەن قامتاماسىز ەتىلۋىنە نازار اۋداردى. بيىل مەكتەپتەر 24 جاڭا ميكرواۆتوبۋستار العان، وقۋ جىلى باستالعانعا دەيىن تاعى 19 داناسى جەتكىزىلمەكشى. سونداي-اق مەكتەپتەردى بەينەباقىلاۋمەن قامتاماسىز ەتۋگە 259 ملن تەڭگە قاراستىرىلعانى ايتىلدى.

كادر ماسەلەسى دە تالقىلاندى. قازىر وبلىستا كادر جەتىسپەۋشىلىگى ەڭسەرىلگەنى بەلگىلى بولدى. سوڭعى 3 جىلدا مەكتەپتەرگە 1390 جاس مۇعالىمدەر جىبەرىلگەن. بيىل تاعى 315 مامان مەكتەپتەرگە بارعالى وتىر.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار