بۇل جوبالار "قاراپايىم زاتتار ەكونوميكاسى" باعدارلاماسى اياسىندا قارجىلاندىرىلىپ وتىر. اتالعان باعدارلاما شەڭبەرىندە كاسىپكەرلەردەن قۇنى 87,8 ملرد. تەڭگە بولاتىن 92 جوبا بويىنشا ۇسىنىس تۇسكەن.
سونىڭ ىشىندە 60-قا جۋىق جوبا ماقۇلدانىپ, بۇگىنگى كۇنگە 7,6 ملرد تەڭگەگە 37 جوبا قارجىلاندىرىلدى. بۇل جونىندە كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ ماماندارى مالىمدەدى.
سونىمەن قاتار جىل سوڭىنا دەيىن قوسىمشا 23,3 ملرد تەڭگەگە 22 جوبانى ەكىنشى دەڭگەيلى بانكتەرمەن قارجىلاندىرۋ جوسپارلانۋدا.
ايتا كەتەيىك, اتالعان باعدارلاماعا شاعىن جانە ورتا بيزنەس سۋبەكتىلەرى دە, ءىرى بيزنەس وكىلدەرى دە قاتىسا الادى. «قاراپايىم زاتتار ەكونوميكاسى» نەگىزىنەن 2 باعىتتان تۇرادى. ءبىرىنشى – كاسىپكەرلىك سۋبەكتىلەرىنە جەڭىلدەتىلگەن نەسيە ءبولۋ, ەكىنشىسى – جوعارىدا اتالعان ونەركاسىپ سالالارىن دامىتۋ.
جەڭىلدەتىلگەن نەسيە بويىنشا بانكتەر كاسىپكەرلەرگە 10 جىلعا دەيىن 15 پايىزبەن نەسيە بەرىپ, ونىڭ 9 پايىزى "دامۋ" قورى ارقىلى سۋبسيديالانادى. ال, اگروونەركاسىپتىك كەشەندەگى ءوندىرۋ بويىنشا ونىڭ 10 پروتسەنتى اۋىل شارۋاشىلىعى باسقارماسى ارقىلى سۋبسيديالانادى. سوندا ءىس جۇزىندە كاسىپكەرلەر نەسيەنى 6 جانە 5 پايىزبەن وتەيدى.
