شىمكەنتتە ەپيدەميالىق احۋال تۇراقتالىپ كەلەدى

وكىنىشكە قاراي، 31 ازامات قايتىس بولدى (ونىڭ ىشىندە تۇركىستان وبلىسىنان - 3).

(ەپيدەميالىق احۋال بويىنشا 4453 جاعدايدىڭ: 22 (0،5%)– سىرتتان كەلگەن، 3122 (70،1%) – جەرگىلىكتى، 1309 (29،4%) – قاتىناستا بولعاندار سانىنان. جاس ەرەكشەلىكتەر بويىنشا:  18 جاسقا دەيىنگى بالالار – 609 (13،6%)، ەرەسەكتەر – 3844 (86،3%).

ينفەكتسيالىق جانە پروۆيزورلىق ستاتسيونارلاردا قىسقا مەرزىمدە قوسىمشا 3 050 توسەك ورنى ۇيىمداستىرىلىپ،  ورىن سانى 3 860- قا جەتكىزىلدى. ونىڭ ىشىندە 650 ينفەكتسيالىق، 3 210 پروۆيزورلىق توسەك ورىن.

ولارداعى رەانيماتسيالىق توسەك ورنىنىڭ سانى 30 ورىننان 151 ورىنعا دەيىن ۇلعايتىلدى. قوسىمشا 58 يۆل، 250 "بوبروۆ" تىنىس الۋ اپپاراتتارى جانە 26 رەانيماتسيالىق مونيتورلار الىندى. رەانيماتسيالىق ورىننىڭ 88،7 پايىزى نەمەسە 134 يۆل اپپاراتتارىمەن قامتىلعان.

كيسلورودپەن قامتىلعان ورىن سانى 861-گە نەمەسە جالپى ورىننىڭ 22،3 پايىزىنا جەتكىزىلدى. كيسلورودپەن تۇراقتى تۇردە قامتاماسىز ەتۋ ماسەلەسى دە شەشىلۋدە. قوسىمشا 2 اۋرۋحانادا كيسلورود ستانتسياسىن ىسكە قوسۋ جۇمىستارى جۇرگىزىلۋدە. ءبىر اي مەرزىمدە تاعى 3 اۋرۋحانادا قوسىلاتىن بولادى. 

باستاپقى مەديتسينالىق سانيتارلىق كومەك كورسەتۋ جۇمىستارى كۇشەيتىلدى. قوسىمشا 58 ءموبيلدى بريگادا قۇرىلىپ، 14 399 ناۋقاسقا ۇيگە ارنالعان ستاتسيونارلىق قىزمەت كورسەتىلدى. سونىمەن بىرگە 38 556 ازاماتقا ءموبيلدى بريگادا قىزمەتى بويىنشا ۇيلەرىنە ءدارى-دارمەك جەتكىزىلدى. اتقارىلعان جۇمىستار قالادا ەپيدەميالىق جاعدايدىڭ جاقسارۋىنا ءوز اسەرىن تيگىزدى.  

1-ءشى شىلدەدەن باستاپ وسى ارالىقتا:

جەدەل جاردەم كومەگىن شاقىرتۋلار سانى كۇنىنە 2 142-دەن 1 571 دەيىن، ياعني 26،6 پايىزعا ازايدى.

ستاتسيونارلاردا ەم الۋشىلار سانى 2678 ناۋقاستان 1834-گە دەيىن نەمەسە 31،5 پايىزعا تومەندەدى. 

ستاتسيونارلارداعى توسەك ورىننىڭ جۇكتەمەسى 90،3 پايىزدان 47،5 پايىزعا دەيىن كەمىدى. حالىقتى ءدارى-دارمەكپەن قامتۋ ماسەلەرىن رەتتەۋ جونىندەگى مەملەكەت باسشىسى قاسىم-جومارت كەمەل ۇلىنىڭ تاپسىرماسىن جۇزەگە اسىرۋ ماقساتىندا قالادا 4 مونيتورينگتىك توپ قۇرىلىپ، 348 ءدارىحانادا مونيتورينگ جۇرگىزىلدى. 

ناتيجەسىندە، 50 زاڭسىز ءدارى-دارمەك ساتۋمەن اينالىسقاندار انىقتالدى. ونىڭ ىشىندە 12 قىلمىستىق ءىس تىركەلىپ، تەرگەۋ امالدارى باستالدى. قالادا كوتەرمە ءدارى-دارمەك ساتۋمەن اينالىساتىن 10 ءىرى فارم كومپانيا جانە 560 ءدارىحانا جۇمىس جاسايدى. ءبىر جولعى رۇقساتپەن شەت مەملەكەتتەردەن ءدارى-دارمەك الىپ كەلۋگە 10 فارم كومپانياعا رۇقسات بەرىلدى.

6 فارم كومپانيامەن ("زەردە" جشس، "اكنيەت" جشس، "اپتەكا №5" جشس، "مەگا فارم پليۋس" جشس، "كويباگاروۆ" جك جانە "نۋرمەدلتد" جشس) ءبىر ۇشاقپەن، 10 فۋرا جۇك كولىگىمەن ينديادان، رەسەيدەن، ۋكراينادان، وزبەكىستاننان 2 ملن 676 مىڭ فلاكون ءبىرىنشى كەزەكتەگى دارىلەر جانە 16 ملن 700 مىڭ ماسكا جەتكىزىلدى.

قالا قويمالارىندا ءبىر ايلىق ءدارىنىڭ قورى جاساقتالدى. قالاداعى كارانتيندىك شارالار تۇراقتى اتقارىلۋدا. كارانتين تالاپتارىن ساقتاماعانى ءۇشىن  258 زاڭ بۇزۋشىلىق انىقتالىپ، جاۋاپكەرشىلىككە تارتىلدى.

كوروناۆيرۋسپەن كۇرەستى تۇراقتى باقىلاۋدا ۇستاۋ ءۇشىن قالا اكىمدىگىندە سيتۋاتسيالىق ورتالىق قۇرىلدى. ورتالىقتا 12 باعىتتا توپ قۇرىلىپ، مونيتورينگ جۇمىستارىن جۇرگىزۋدە. اعىمداعى جىلدىڭ 26 ماۋسىمىنان "109" كولل ورتالىعى ىسكە قوسىلىپ، 4 859 قوڭىراۋ قابىلداندى. 

15 شىلدەدەن "1430.kz" ونلاين كەڭەس بەرۋ موبيلدىك قوسىمشاسى ىسكە قوسىلدى، قوسىمشاعا 171 دارىگەر تىركەلىپ، حالىققا قىزمەت كورسەتۋدە. قازىرگى كەزدە پاندەميانىڭ كەلەسى تولقىنىنا دايىندىق جاساۋ ءۇشىن ارنايى جوسپار قۇرىلدى. 

قالاداعى ينفەكتسيالىق، پروۆيزورلىق ستاتسيونارلاردا رەانيماتسيالىق جانە ينتەنسيۆتى تەراپيالىق توسەك ورىن سانى 151-دەن  330  ورىنعا دەيىن ۇلعايتىپ، ولاردى تولىق  يۆل اپپاراتىمەن قامتيتىن بولامىز. كيسلورودپەن قامتىلعان توسەك ورىن سانى 1،5 ەسەگە دەيىن كوبەيتىلىپ، 1200 دەيىن جەتكىزىلەدى. 

قالا بيۋدجەتى وڭتايلاندىرىلىپ، قوسىمشا يۆل، باسقا دا قۇرال-جابدىقتار، ءدارى-دارمەكتەر ساتىپ الۋعا جەرگىلىكتى بيۋدجەتتەن 5 ملرد تەڭگە قارجى باعىتتاۋ كوزدەلۋدە.