ايماقتار • 21 شىلدە، 2020

الماتىدا جەرلەۋ باعاسىن كوتەرگەن زيرات قىزمەتكەرلەرى قۇرىقتالدى

59 رەت كورسەتىلدى

پوليتسياعا سەگىز ادام حابارلاسىپ، زيرات جۇمىسشىلارىنا قاتىستى رەسمي مالىمدەمەلەر جاسادى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

ارىزدانۋشىلاردىڭ ايتۋىنشا، ولار جەرلەۋ قىزمەتتەرى ءۇشىن قوسىمشا اقى تولەۋگە ءماجبۇر بولعان. سونداي-اق ولاردى بەلگىلەنگەن قۇنعا قوسىمشا 70-تەن 80 مىڭ تەڭگەگە دەيىن تولەۋگە ماجبۇرلەگەن.

ءىىم باسشىلىعى تاپسىرماسىن ورىنداۋ ماقساتىندا، بەلگىلەنگەن مولشەردەن باسقا، مارقۇمنىڭ تۋىستارىنان قايتىس بولعان ادامداردى جەرلەۋ قىزمەتى ءۇشىن قوسىمشا قاراجات الۋدىڭ زاڭسىز ارەكەتتەرىن بولدىرماۋ ءۇشىن ارنايى تەرگەۋ-جەدەل توپتارى قۇرىلدى.

تۇبىرتەكتەر بەرىلمەگەن، اقشانى زيرات كاسىپورنىنىڭ قىزمەتكەرلەرى زاڭسىز پايدالانعان. جاقىن ادامدارىنان ايىرىلىپ، قايعى-قاسىرەتتى باستان كەشىرگەندەر تەك ماتەريالدىق قانا ەمەس، مورالدىق تۇرعىدا دا زارداپ شەكتى.

قابىلدانعان شارالار ناتيجەسىندە پوليتسيا قىزمەتكەرلەرى ءوز ءىس-ارەكەتتەرىن مويىنداعان ەكى ازاماتتى انىقتاپ، قاماۋعا الدى. قازىرگى ۋاقىتتا جابىرلەنۋشىلەر مەن كۇدىكتىلەردىڭ قاتىسۋىمەن قاجەتتى تەرگەۋ شارالارى جۇرگىزىلۋدە. ءاربىر كىنالى ادامنىڭ ءىس-ارەكەتىنە جەكە قۇقىقتىق باعا بەرىلەدى. سونىمەن قاتار جەرلەۋ راسىمىندە زاڭسىز بوپسالاۋدىڭ الدىن الۋ ءۇشىن باسقا جەرلەۋ ورىندارى دا تەكسەرىلەدى.


سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار