"مەن 15 شىلدەدە وتە اۋىر جاعدايدا ءتۇستىم. ءبىر اپتا رەانيماتسيا بولىمىندە بولدىم. دارىگەرلەر مەنىڭ جاعدايىمدى قالىپقا كەلتىرۋ ءۇشىن بارىن سالدى. ەندى مەن ەركىن تىنىستاي الامىن. مۇنىڭ ءبارى دارىگەرلەردىڭ كومەگىنىڭ ارقاسى. جاقىن ارادا ەمدىلىپ شىعامىن دەپ ۇمىتتەنەمىن", دەيدى 46 جاستاعى ماناربەك كوبازيەۆ.
63 جاستاعى تولەبەك جۇماقاەۆتىڭ ەم قابىلداپ جاتقانىنا التى كۇن بولدى. زەينەتكەر ەڭ الدىمەن دارىگەرلەردىڭ ناۋقاستارعا دەگەن قارىم-قاتىناسىنىڭ ارقاسىندا ساۋىعىپ جاتقانىنا سەنىمدى.
ء"بىز ءدارى-دارمەكتەرىمىزدى ۋاقتىلى الامىز, تاماق جاقسى ۇيىمداستىرىلعان جانە جالپى اتموسفەرا جاقسى. اتموسفەرا جاقسى بولسا ادامي كوزقاراس, ادام ورگانيزمى باسقاشا جۇمىس ىستەيدى", دەيدى اقساقال. ول قازاقستاندىقتاردى گيگيەنا مەن بەلگىلەنگەن سانيتاريا نورمالارىن قاتاڭ ساقتاۋعا شاقىردى.
"وزىمىزدەن باستاپ, وزىمىزگە قاتال قاراۋىمىز كەرەك. جاقىندارىمىز قاراپايىم تالاپتاردى ساقتاۋى ءۇشىن ولارعا كوڭىل ءبولۋ قاجەت. قولدى ءجيى جۋ, گيگيەنا ءوز ناتيجەسىن بەرەدى. جاي جاتپاي, ءار جارتى ساعات سايىن دەنە, تىنىس الۋ جاتتىعۋلارىن جاساۋ كەرەك. بۇل جاقسى اسەر ەتەدى. مۇنىڭ ءبارى ءوز پايداسىن تيگىزەدى", دەدى ت.جۇماقاەۆ.
