وسى ورايدا Nur Otan پارتياسى Jas Otan جاستار قاناتى اقتوبە وبلىستىق فيليالىنىڭ ەرىكتىلەرى «دارىگەرلەرگە مىڭ العىس!» اكتسياسى اياسىندا وبلىستىق كلينيكالىق اۋرۋحانانىڭ قىزمەتكەرلەرىنە جەتكىلىكتى تۇردە ۇلتتىق سۋسىننىڭ تورەسى – سەرتيفيكاتتالعان ساپاسى جوعارى قىمىز جەتكىزىپ بەردى. بۇعان دەيىن ولار مۇنداعى اق حالاتتى ابزال جاندارعا قۋاتى كۇشتى, قۇنارى مول ىستىق تاعامدار اكەلىپ بەرگەن ەدى.
– ءبىزدىڭ قاتارىمىزدا بەلگىلى ءبىر كاسىپپەن اينالىسۋعا ۋاقىت تاۋىپ, ماتەريالدىق يگىلىكتى ءوز قولدارىمەن ءوندىرىپ جۇرگەندەر دە بار. «دارىگەرلەرگە مىڭ العىس!» شەڭبەرىندەگى قايىرىمدىلىق شارالارىنا جۇمسالعان قاراجات نەگىزىنەن سول ۆولونتەرلەردىڭ شىنايى نيەت ءبىلدىرۋى ارقىلى جيناقتالدى. ايتسە دە ولار بىزگە ءوز اتى-جوندەرىنىڭ اتالماۋى جونىندە تالاپ-تىلەكتەرىن جەتكىزدى. ونى نازارعا الماۋعا مورالدىق قۇقىمىز جوق, – دەدى پارتيانىڭ جاستار قاناتىنىڭ اقتوبە وبلىستىق فيليالىنىڭ كەڭەسشىسى مۇرات مۇستافين.
ادال كوڭىلدەن بىلدىرىلگەن ءىلتيپات ريزاشىلىق سەزىمىنە بولەيدى. بۇل رەتتە اقتوبە مەديتسينا ورتالىعىنا قولداۋ كورسەتۋگە كەلگەن جاسوتاندىقتارعا دەگەن العىس سەزىمىن وسى ۇجىمنىڭ ينفەكتسيونيست-دارىگەرى گۇلميرا قۇرمانباي جەتكىزدى.
– ماسەلە سىي مەن قۇرمەتتىڭ ۇلكەن-كىشىسىندە ەمەس, ونىڭ تازا جۇرەكپەن جاسالۋىندا. پاندەميامەن كۇرەس باستالعان كەزىنەن بەرى وسىنداي كوڭىل تولقىتارلىق جاعدايلارعا بىرنەشە رەت كۋا بولدىق. ءسويتىپ قانداي قيىن كەزدە دە بىزگە قولداۋ كورسەتىپ جاناشىرلىق تانىتا الاتىندار بار ەكەنىن سەزىنە تۇستىك. مۇنىڭ ءوزى بىزگە مورالدىق جانە ماتەريالدىق تۇرعىدان ۇلكەن دەم بەردى. مىنە, بۇگىن اۋرۋحاناعا جەتەكشى پارتيامىزدىڭ جاس قىراندارى كەلىپ, ءوز ىقىلاس-نيەتتەرىن ءبىلدىرىپ وتىر. راحمەت, اينالايىندار, الدارىڭنان اق كۇن تۋسىن!, – دەدى ول.
سونداي-اق اتالعان اكتسيا اياسىندا Nur Otan پارتياسى اقتوبە وبلىستىق فيليالىنىڭ وكىلدەرى قالاداعى «دارۋ» مەديتسينالىق ساۋىقتىرۋ ورتالىعىنىڭ جانىنان اشىلعان پروۆيزورلىق بولىمشەدە بولىپ, پنەۆمونيادان ەمدەلىپ جاتقان ناۋقاستارعا 500 مىڭ تەڭگەنىڭ ازىق-ت ۇلىگىن جەتكىزدى.
اقتوبە
