الەم • 20 شىلدە، 2020

سيريا جاڭا پارلامەنت جاساقتايدى

6 رەت كورسەتىلدى

ەلدەگى قيىن جاعدايعا قارا­ماستان سيريا ۇكىمەتى ساۋىرگە بەل­­گىلەنگەن پارلامەنت سايلاۋىن وت­كىزۋ تۋرالى شەشىم قابىلداعان. الەمدەگى پاندەميا سالدارىنان شارا وسىعان دەيىن ەكى رەت كەيىنگە قالدىرىلىپ كەلگەن-ءدى. رەسمي مالىمەت بويىنشا 250 ورىنعا 2 مىڭنان استام ۇمىتكەر قاتىسۋعا نيەت ءبىلدىرىپتى. ساراپشىلار ۇمىتكەرلەر سانى كوپ بولعانىمەن، «بااس» پارتياسىنا باسەكەلەس بولاتىن وپپوزيتسيا وكىلدەرىنىڭ از ەكەنىن ايتىپ وتىر. 

سايلاۋعا تۇسكەندەردىڭ كوبى بيلەۋشى پار­تيادان نەمەسە پرەزيدەنت پار­تياسىنىڭ قولداۋشىلارى ەكەنىن العا تارتادى. 2016 جىلعى سايلاۋدا 200 ورىندى پرەزيدەنت با­شار ءال-اسادتىڭ جاقتاستارى يەمدەنگەن ەدى. بيىل دا سايلاۋ ناتيجەسى وسىعان ۇقساس بولۋى ابدەن مۇمكىن. ەل اۋماعىنىڭ 70 پايىزىندا 7 مىڭنان استام سايلاۋ ۋچاسكەسى قۇرىلعان. كۇنىن ارەڭ كورىپ وتىرعان حالىقتى سايلاۋدان گورى ەلدەگى اۋىر ەكونوميكالىق جاع­داي الاڭداتادى.

تاياۋ شىعىس ينستيتۋتىنىڭ سي­ريا بويىنشا ساراپشىسى كا­رام شااردىڭ ايتۋىنشا، ەلدىڭ 90 پايىزى كەدەيلىك قامىتىندا وتىر­عاندىقتان تۇرعىنداردىڭ باس­تى ۋايىمى قاراپايىم ومىرلىك قاجەتتىلىكتەرىن قامتاماسىز ەتۋ بولماقشى. جاڭا­دان قۇرىلعان پارلامەنت جاڭا كونستيتۋتسيا­نى­ بەكىتۋدى جوسپارلاپ وتىر، ال پرەزيدەنت اساد پرە­مەر-ءمينيستردى تاعايىندايدى. ودان بولەك پار­لامەنت كەلەسى پرەزيدەنت سايلاۋىنا تۇسەتىن ۇمىتكەرلەردى دە بەكىتەدى. سايلاۋ ناتيجەسى سەيسەنبى كۇنى بەلگىلى بولادى.

 

 

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار