كوشەلەر مەن جولداردى جوندەۋ جۇمىستارى بەيبىتشىلىك كوشەسى بويىمەن ەسەنبەرلين كوشەسىنەن بوگەنباي باتىر داڭعىلىنا دەيىنگى ۋچاسكەلەردە جوسپارلانۋدا, دەپ حابارلادى قالالىق كولىك جانە جول-كولىك ينفراقۇرىلىمىن دامىتۋ باسقارماسى.
وسىعان بايلانىستى 20-23 شىلدە ارالىعىندا اتالعان ۋچاسكەدەگى قوزعالىس تولىق توقتاتىلادى دەپ جوسپارلانۋدا.
"ەلوردا تۇرعىندارى مەن قوناقتارى كولىك كەپتەلىسىن بولدىرماۋ ءۇشىن ءوز باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىن جۇرگىزۋگە تۇسىنىستىكپەن قاراۋدى سۇرايمىز", – دەلىنگەن حابارلامادا.
