ايماقتار • 18 شىلدە، 2020

بۇگىن الماتى اۋەجايىنا ءدارى-دارمەكتەرى بار كەزەكتى بورت كەلدى

21 رەت كورسەتىلدى

"ىڭكار" فارماتسەۆتيكالىق كومپانياسىنىڭ تاپسىرىسى بويىنشا ءۇندىستاننان جالپى سالماعى 32 توننا بولاتىن جۇك جەتكىزىلدى. كومپانيا وكىلدەرىنىڭ ايتۋىنشا، اۋەجايدا جالپى سانى 242 مىڭ قاپتاما بولاتىن COVID-19-عا قارسى پرەپارات تۇسىرىلگەن، - دەپ حابارلايدى Egemen.kz.

جۇك كەدەندىك راسىمدەۋدەن ءوتىپ، قاجەتتى قۇجاتتار تولتىرىلعاننان كەيىن كومپانيانىڭ قويماسىنان ءدارىحانا جەلىلەرىنە جەتكىزىلەدى. 

كومپانيا سونىمەن بىرگە ارنايى تۇراقتاندىرۋ قورىنا ءدارى-دارمەكتەردى ساتىپ الۋ تەتىگىن ىسكە اسىرا باستاعانىن ايتتى.

ەسكە سالا كەتسەك، الماتى قالاسىنىڭ اكىمى ب. ساعىنتاەۆتىڭ تاپسىرماسىمەن فارماتسەۆتيكالىق كومپانيالارعا قاجەتتى ءدارى-دارمەكتەردى ساتىپ الۋ ءۇشىن پايىزسىز نەسيە بەرۋگە 5 ملرد. تەڭگە كولەمىندە قارجى بولىنگەن. قاراجاتتار قايتارىمدى جانە اينالمالى نەگىزدە "جۇمىس ىستەيدى".

شىلدە ايىنىڭ باسىندا كەيبىر ءدارىحانالاردا سۇرانىس جوعارى بولعاندىقتان، ىستىق تۇسىرەتىن جانە باسقا پرەپاراتتاردىڭ تاپشىلىعى تۋىنداعانى بەلگىلى. الايدا جەدەل قابىلدانعان شارالاردىڭ ارقاسىندا جاعداي تۇراقتاندى. سونىمەن قاتار، قالاداعى تۇراقتاندىرۋ قورىنان ءدارى-دارمەكتەردى الماتىداعى COVID-19-عا قارسى ستاتسيونارلارعا جەتكىزۋ جۇمىستارى باستالدى.

بۇرىن حابارلانعانداي، شىلدە ايىنىڭ سوڭىنا دەيىن الماتىعا COVID-19-عا قارسى پرەپاراتتاردىڭ 6،5 ميلليون قاپتاماسى جەتكىزىلەدى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار