قۇرىلىس باسىنا اۋدان اكىمى مۇرات ەرگەشباەۆ ارنايى بارىپ, باسپانالاردىڭ ساپالى سالىنۋىنا باسا نازار اۋدارۋدى تاپسىردى.
بۇگىندە تۇرعىن ءۇي ماسەلەسى ەلىمىزدەگى ەڭ وتكىر الەۋمەتتىك پروبلەمالار قاتارىندا تۇر. سونىڭ ىشىندە, قازالىدا دا باسپانا ماسەلەسى وزەكتى. كرەديتتىك باسپانا اۋداندىق قۇرىلىس, ساۋلەت جانە قالا قۇرىلىسى ءبولىمىنىڭ تاپسىرىسى بويىنشا جۇزەگە اسىرىلۋدا. ون ءۇي دە 8 ايدا سالىنىپ ءبىتۋى ءتيىس. الايدا مەردىگەر مەكەمە تۇرعىن ءۇيدىڭ قۇرىلىسىن جىلدىڭ اياعىنا دەيىن اياقتاۋدى جوسپارلاپ وتىر.
جوبا بويىنشا ءبىر ۇيدە 4 پاتەر قارالعان. ءاربىر ۇيدە 2 بولمەلى 2 پاتەر, 3 بولمەلى 2 پاتەردەن بار. تۇرعىن ءۇي گاز, اۋىز سۋمەن, ەلەكترمەن قامتىلادى. ءار پاتەر دەربەس جىلۋ جانە ىستىق سۋمەن بىرىكتىرىلگەن, گاز وتىندى قازاندىعىمەن جابدىقتالادى. جاڭا باسپاناعا "تۇرعىن ءۇي قۇرىلىس جيناق بانكى" ارقىلى كەزەكتە تۇرعان سالىمشىلار قول جەتكىزە الادى.
