ەلوردا • 17 شىلدە، 2020

ەلوردا تۇرعىندارى دارىگەرلەردەن تەگىن ۆيدەو-كەڭەس الا الادى

14 رەت كورسەتىلدى

ول ءۇشىن Damumed قوسىمشاسىن پايدالانۋ قاجەت. بۇل تۋرالى ەلوردا اكىمدىگىنىڭ رەسمي سايتى حابارلايدى، دەپ جازادى Egemen.kz

قالا تۇرعىندارى ۇيدەن شىقپاي-اق، بەيىندى مەديتسينالىق مامانداردان كەڭەس الا الادى. ەلوردا ەمحانالارىنىڭ دارىگەرلەرى Damumed قوسىمشاسى ارقىلى تەگىن ونلاين-كەڭەس بەرەدى. قوسىمشانى Google Play نەمەسە AppStore-دان جۇكتەۋگە بولادى.

"قوسىمشاعا تىركەلۋ ءۇشىن جسن جانە ۇيالى تەلەفون ءنومىرىن كورسەتۋ، سونداي-اق قۇجاتتىڭ فوتوسۋرەتىن (جەكە كۋالىك نەمەسە پاسپورت) قوسا بەرۋ قاجەت. سۋرەتتە جسن انىق كورىنۋى ءتيىس. وسى دەرەكتەردى جىبەرگەننەن كەيىن ءسىز تىركەلگەن مەديتسينالىق ۇيىمعا ءوتىنىش تۇسەدى. ەمحانا قىزمەتكەرلەرى ەنگىزىلگەن مالىمەتتەردىڭ دۇرىستىعىن جانە قوسا بەرىلگەن فوتوسۋرەتتىڭ سايكەستىگىن تەكسەرە وتىرىپ، ءوتىنىشتى وڭدەيدى. ەگەر ءبارى سايكەس كەلسە، ءوتىنىش ماقۇلدانادى. ءسىز كورسەتكەن نومىرگە ءتورت تاڭبالى كودى بار سمس حابارلاما كەلەدى"، دەپ ءتۇسىندىردى باعدارلاما ازىرلەۋشىلەرى.

باستى تەرەزەدە تىركەلگەننەن كەيىن "دارىگەردىڭ قابىلداۋىنا جازىلۋ" باستىرماسىن باسۋ قاجەت، ءارى قاراي تومەندەگى تەرەزەدە "تەگىن قىزمەتكە جازىلۋدى" تاڭداۋ كەرەك. دارىگەردى تاڭداعان كەزدە، ەگەر كەستە قاشىقتان كەڭەس بەرۋ ءۇشىن قولجەتىمدى بولسا، "ونلاين كەڭەس بەرۋ قولجەتىمدى" دەگەن جازۋدى كورەسىز. وزىڭىزگە ىڭعايلى ۋاقىتتى تاڭداپ، باسىڭىز.

سودان كەيىن "ونلاين كەڭەس" قوسقىشىن جىلجىتىڭىز. كەڭەس بەرۋ كەزىندە دارىگەرگە ءسىزدىڭ الدىڭعى قابىلداۋلارىڭىز تۋرالى اقپارات قولجەتىمدى بولادى. قابىلداۋ تۋرالى اقپارات دارىگەردىڭ مەديتسينالىق جازباسىندا ساقتالادى. ارنايى مەديتسينا مامانىنان كەڭەس الۋ ءۇشىن، ۋچاسكەلىك دارىگەردىڭ جولداماسى قاجەت.

"قاشىقتان كەڭەس بەرۋ كەزىندە، ناۋقاس ۇيالى قوسىمشادان كورە الاتىن جانە ءدارىحانادان ءدارى-دارمەك ساتىپ الا الاتىن رەتسەپت جازىپ بەرە الامىز. سونداي-اق ءار ازامات اۋرۋحانالىق پاراقتاردى، زەرتحانالىق تالداۋلاردى، تەكسەرۋ ناتيجەلەرىن كورە الادى. بارلىق كەڭەستەردى ۋچاسكەلىك دارىگەرلەر مەن بەيىندى ماماندار جۇرگىزەدى. ياعني ەمحاناعا تاعى كەلۋدىڭ قاجەتى جوق. بارلىعى ءبىر قوسىمشادا"، دەيدى № 9 قالالىق ەمحانانىڭ نەۆروپاتولوگ-دارىگەرى سۆەتلانا كورولكوۆا. قازىرگى ۋاقىتتا جۇيەگە ەلوردانىڭ 19 مەديتسينا مەكەمەسى قوسىلعان.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار