قوعام • 17 شىلدە، 2020

سۋعا شومىلۋ ماۋسىمى باستالعاننان بەرى 48 ادام جان تاپسىردى

ەلىمىزدىڭ بارلىق اۋماعىندا دەرلىك اۋا رايىنىڭ ىستىق بولۋىنا بايلانىستى تج كوميتەتىن سۋ ايدىندارىندا ءجيى ورىن الاتىن وقيعالار الاڭداتۋدا، دەپ حابارلايدى Egemen.kz

ايىم ءداۋىت

قۇتقارۋشىلار كۇن سايىن سۋ ايدىندارىندا رەيدتەر مەن پاترۋلدەۋ جۇرگىزەدى. سۋعا شومىلۋ ماۋسىمى باستالعاننان بەرى قۇتقارۋشىلار سۋ ايدىندارىندا 48 ادامدى، ونىڭ ىشىندە 11 بالانى قۇتقاردى. سونىمەن قاتار ادامدار ءوز كۇشتەرىن باعالاماي، سالعىرتتىق تانىتىپ، سۋعا شومىلۋ ءۇشىن جابدىقتالعان ورىنداردا دا سۋعا باتىپ كوز جۇمادى.

ءاربىر ادام سۋعا شومىلاتىن سۋ ايدىنىنىڭ قاۋىپتى ورىندارى مەن ەرەكشەلىكتەرىن ءبىلۋى ءتيىس، ويتكەنى جابدىقتالماعان جەرلەردە ۇيىندىلەر، سۋ باسقان بورەنەلەر، تەمىر كەسەكتەرى، شىنى جانە باسقا دا زاتتار بولۋى مۇمكىن. جاقىن كەلە جاتقان كاتەرلەرگە، كەمەلەرگە جانە موتورلى قايىقتارعا ءجۇزىپ ءوتۋ وتە قاۋىپتى، ويتكەنى ءجۇزۋ قۇرالدارىنىڭ ءتۇبىنىڭ استىندا ءجۇزىپ كەلە جاتقان ادامدى سۋمەن جالعاعان جاعدايلار ورىن الدى.

جازعى دەمالىس ۋاقىتىندا بالالاردىڭ سۋ ايدىندارىنا، سۋارمالى ارىقتار مەن كانالدارعا جاقىن جەردە بولۋىنا اتا-انالار جاۋاپتى ەكەنىن ەرەكشە اتاپ وتكىمىز كەلەدى.
سونىمەن بىرگە، سۋعا شومىلۋ ماۋسىمى باستالعاننان بەرى (ا.ج. 1 ماۋسىم مەن 16 شىلدە ارالىعىندا) سۋعا شومىلۋ، سۋعا باتىپ بارا جاتقان ادامدى قۇتقارۋ كەزىندە ءوز كۇشىن باعالاماۋ، ماس كۇيىندە سۋعا شومىلۋ،بالالاردى ەرەسەك ادامداردىڭ قاراۋىنسىز قالدىرۋ سالدارىنان ەلىمىزدىڭ سۋ ايدىندارىندا 122 ادام ( 2019 جىلى 167)، ونىڭ ىشىندە 35 بالا (2019 جىلى 61 بالا) سۋعا باتىپ، كوز جۇمدى.

تەك وسى اپتانىڭ 4 كۇنى ىشىندە وسى جىلدىڭ 13-16 شىلدە ارالىعىندا سۋدا 19 ادام، ونىڭ ىشىندە 6 بالا سۋعا شومىلۋ كەزىندە كوز جۇمدى.

ەسكە سالا كەتەيىك، اعىمداعى جىلدىڭ 16 شىلدەدە وتكەن تاۋلىكتە اتىراۋ وبلىسى قۇرمانعازى اۋدانىنىڭ امانگەلدى اۋىلىنان 15 شاقىرىم جەردەگى قيعاش وزەنىندە جابدىقتالماعان ورىندا سۋعا شومىلۋ كەزىندە، قاراعاندى وبلىسى اباي اۋدانىنىڭ ۆولنىي كەنتىندە جاساندى سۋ ايدىنىندا، قوستاناي قالاسىنىڭ تەپليچنىي كومبينات اۋدانىنداعى توبىل وزەنىندە، اقمولا وبلىسى اتباسار اۋدانىنىڭ اتباسار قالاسىنان 2 شاقىرىم جەردەگى جاباي وزەنىنەن قايىقتىڭ كومەگى ارقىلى ءوتۋ كەزىندە 4 ادام سۋ باتىپ، كوز جۇمدى.

سۋداعى قاۋىپسىزدىكتى قامتاماسىز ەتۋ جۇمىسى تجك-نىڭ ەرەكشە باقىلاۋىندا. ادامداردىڭ سۋداعى قاۋىپسىزدىگىن قامتاماسىز ەتۋ ماقساتىندا تجك پوليتسيا دەپارتامەنتىمەن جانە جەرگىلىكتى اتقارۋشى ورگاندارمەن بىرلەسىپ، ۇيىمداستىرۋشىلىق جانە پراكتيكالىق ءىس-شارالار كەشەنىن وتكىزۋدە.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز