"ەۋرازيالىق ەكونوميكالىق كوميسسيا ەۋرازيالىق ەكونوميكالىق وداق ەلدەرىنە جەمىس, جيدەك داقىلدارى مەن جۇزىمگە قولدانىلاتىن ءونىمنىڭ سۇرىپتىق قاسيەتتەرىن انىقتاۋ ادىستەرىن بىرىكتىرۋگە, سونداي-اق مال شارۋاشىلىعىنداعى سەلەكتسيالىق جەتىستىكتەردى سىناۋعا كومەكتەسۋگە دايىن. وسى باعىتتاردا عىلىمي-زەرتتەۋ جۇمىستارىن جۇرگىزۋ جوسپارلانۋدا", - دەپ حابارلادى اگروونەركاسىپتىك كەشەندەگى كونسۋلتاتيۆتىك كوميتەتتىڭ كەشەگى وتىرىسىندا.
كونسۋلتاتيۆتىك كوميتەتتىڭ مۇشەلەرى الەمدىك تاجىريبەنى ەسكەرە وتىرىپ, ەاەو اياسىندا جەمىس-جيدەك داقىلدارىنىڭ جانە ءجۇزىم ونىمىنە قولدانىلاتىن ماتەريالدارىنىڭ (انالىق پلانتاتسيالار, پيتومنيكتەر) سۇرىپتىق (پومولوگيالىق) قاسيەتتەرىن انىقتاۋدىڭ عىلىمي نەگىزدەلگەن ادىستەرىن ازىرلەۋدىڭ دۇرىستىعىن قۇپتادى.
زەرتتەۋ جۇمىسىنىڭ ناتيجەلەرى بويىنشا ازىرلەنگەن بىرىڭعاي ادىستەر وداقتىڭ ساۋدا-ساتتىعى كەزىندە قۇجاتتاردى ءوزارا قابىلداۋ ءۇشىن ونىمدەردىڭ سۇرىپتىق قاسيەتتەرىن باعالاۋ پروتسەدۋرالارى مەن ناتيجەلەرىنىڭ دۇرىستىعىن قامتاماسىز ەتەدى, بۇل ەاەو مەملەكەتتەرىندە جەمىس, جيدەك داقىلدارى مەن ءجۇزىم ساتۋ نارىعىن دامىتۋعا ىقپال ەتەدى.
مال ءوسىرۋ ماسەلەلەرىن تالقىلاۋ كەزىندە ەاەو ەلدەرى ءۇشىن اۋىل شارۋاشىلىق مالدارىنىڭ جاڭا تۇقىمدارىن, تۇرلەرىن, سۇرىپتارىن باعالاۋدىڭ بىرىڭعاي ادىستەمەسى جاسالادى, ونىڭ ءىشىن دەجىلقى, تۇيە, ءىرى قارا مال مەن شوشقا, ۇساق مالدار, قۇس, اڭ تەرىسى, بالىقتار, ارالاردىڭ ءتۇرىن انىقتاۋ جانە اۋرۋلارعا توزىمدىلىگىن ءبىلۋ تاسىلدەرى جاسالادى.
سونداي-اق, وسى تاقىرىپتاعى زەرتتەۋلەر ەاەو اياسىندا اۋىلشارۋاشىلىق مالدارى مەن سەلەكتسيالىق-اسىلداندىرۋ جۇمىستارىن بىرىزدەندىرۋگە باعىتتالعان شارالار تۋرالى كەلىسىم جاسالدى جانە وداققا مۇشە مەملەكەتتەردە اۋىلشارۋاشىلىق مالداردىڭ جاڭا تۇرلەرىن تۇقىمدارىن اپروباتسيالاۋ ءتارتىبىن ىسكە اسىرۋ ءۇشىن قاجەت ەكەندىگى اتاپ ءوتىلدى. اتالعان جۇمىس 2021 - 2022 جىلدارى اياقتالادى دەپ كۇتىلۋدە.
زاماناۋي حالىقارالىق تاسىلدەردى ەسكەرە وتىرىپ ازىرلەنگەن ءتيىستى ءادىستى وداق ەلدەرىنىڭ ۋاكىلەتتى ورگاندارى مال شارۋاشىلىعىنداعى سەلەكتسيالىق جەتىستىكتەردى سىناۋ كەزىندە قولدانادى, بۇل وسى سالاداعى جۇمىستى بىرىكتىرىپ, ولاردىڭ ەاەو-دا تانىلۋىن قامتاماسىز ەتەدى, دەپ اتاپ ءوتتى ءباسپاسوز قىزمەتى.
