ءبىرجان نۇرىمبەتوۆتىڭ ايتۋىنشا, الەۋمەتتىك تولەم الۋعا ءوتىنىشتى 42500.enbek.kz پورتالى, eGov ەلەكترون ۇكىمەت پورتالى, ءوزىن-ءوزى جۇمىسپەن قامتىعان جەكە تۇلعالار Telegram-بوت ارقىلى بەرە الادى.
ەڭبەك جانە حالىقتى الەۋمەتتىك قورعاۋ ءمينيسترى ازاماتتاردان ءبىر رەت قانا ءوتىنىش بەرۋدى سۇرادى.
"پورتالعا ءوتىنىشتى ءبىر رەت قانا بەرسەڭىزدەر, ونى 2-3 رەت بەرمەۋدى سۇرايمىز جانە ءار پورتالعا ءبىر-ءبىر ءوتىنىش تاستاماڭىزدار, ونىڭ قاجەتى جوق. ءبارىبىر ەكىنشى ءوتىنىش وتپەيدى. مۇنداي ارەكەتتەر پورتالدارعا سالماق سالۋى مۇمكىن جانە باسقا ازاماتتاردىڭ ءوتىنىش بەرۋىنە كەدەرگى بولادى. وتكەن جولى 18 ميلليون ءوتىنىش كەلىپ, پورتالدارعا سالماق تۇسكەن ەدى. سوندىقتان ءوتىنىشتى ءبىر رەت قانا تاستاڭىزدار, قابىلداندى دەپ حابارلاما كەلەدى. ستاتۋسىڭىزدى ارى قاراي 42500.enbek.kz-تەن تەكسەرىپ وتىراسىز", – دەدى ءبىرجان نۇرىمبەتوۆ.
مينيستر ازاماتتاردىڭ ءوتىنىش بەرۋ مەرزىمىنە قاتىستى شەكتەۋ جوق ەكەنىن ايتتى.
"بۇل تولەم شىلدە ايىنا ارنالادى. بىراق ءوتىنىشتى 1 قىركۇيەككە دەيىن قابىلداي بەرەمىز, پورتالدار جابىلمايدى", – دەدى ول.
