قازىرگى ۋاقىتتا ءماجىلىس دەپۋتاتتارى وڭىرلەردە كوروناۆيرۋسپەن كۇرەس جونىندەگى كەشەندى جۇمىستارعا بەلسەنە ارالاسۋدا. ولار قوعامدىق باقىلاۋ توپتارىمەن بىرگە دارىحانالارعا بارىپ, ءدارى-دارمەكتەردىڭ, مەديتسينالىق ماقساتتاعى بۇيىمداردىڭ باعالارىنا مونيتورينگ جۇرگىزۋدە. سونىمەن قاتار ەرىكتىلەردىڭ جۇمىسىن ۇيىمداستىرۋعا جاردەمدەسىپ, مەديتسينالىق مەكەمەلەرگە گۋمانيتارلىق كومەكتىڭ جەتكىزىلۋى مەن تاراتىلۋىن, حالىقتى قاجەتتى تاۋارلارمەن جانە ازىق-ت ۇلىكپەن قامتاماسىز ەتۋدى باقىلاۋعا الدى.
سونداي-اق دارىگەرلەردىڭ جۇمىس جاعدايلارى مەن اۋرۋحاناداعى ەمدەلۋشىلەردىڭ احۋالىنا ەرەكشە كوڭىل بولىنۋدە. ءماجىلىس دەپۋتاتتارى زاۋرەش امانجولوۆا مەن سەرىك قۇسايىنوۆ الماتىداعى ورتالىق قالالىق كلينيكالىق اۋرۋحاناعا بارىپ, مەديتسينا قىزمەتكەرلەرىمەن كەزدەستى. كەزدەسۋ بارىسىندا كوروناۆيرۋسپەن ەمدەلىپ جاتقانداردىڭ جاعدايلارىن كورىپ, اۋرۋحانانىڭ ءدارىحانا قويماسىمەن تانىستى.
مەديتسينالىق مەكەمە ءبىر مەزگىلدە COVID-19 دياگنوزى قويىلعان 320 ناۋقاستى قابىلداي الادى. كۇن سايىن اۋىسىمعا اۋرۋحانانىڭ 150 قىزمەتكەرى تۇسەدى. مەديتسينالىق مەكەمە بارلىق تۋىنداعان ماسەلەلەردى جىلدام شەشۋگە تىرىسۋدا. ء«بىز جاڭا مودۋلدىك اۋرۋحانانى ارنايى تەكسەرمەدىك. ويتكەنى ول جاڭا اپپاراتتار مەن پرەپاراتتارمەن قامتاماسىز ەتىلگەن. ال بۇل مەكەمە 70-ءشى جىلدارى سالىنعان جانە باستاپقىدا وسىنداي ماقساتتارعا ارنالماعان. دەگەنمەن ول قايتا جابدىقتالدى. سونىمەن قاتار كوروناۆيرۋستان ەمدەۋگە ارنالعان ءدارى-دارمەكتەر قورى ءبىر ايعا جەتەدى», دەدى ءماجىلىس دەپۋتاتى زاۋرەش امانجولوۆا.
اۋرۋحانا باسشىلىعى ەمدەلۋشىلەردى قابىلداۋ مۇمكىندىگىن ارتتىرۋ ءۇشىن قوسىمشا شارالار قابىلدانىپ جاتقانىن ايتتى.
جالپى, ءماجىلىس دەپۋتاتتارىنىڭ ايماقتارداعى جۇمىسىنىڭ باستى باعىتى دارىحانالارداعى مەديتسينالىق ماقساتتاعى بۇيىمداردىڭ, سونداي-اق ءدارى-دارمەكتەردىڭ باعاسىنا مونيتورينگ جۇرگىزۋ.
سىبايلاس جەمقورلىققا قارسى ءىس-قيمىل اگەنتتىگى قىزمەتكەرلەرىمەن جانە بەلسەندىلەرمەن بىرگە ءماجىلىس دەپۋتاتى سنەجاننا يماشەۆا نۇر-سۇلتان قالاسىندا, ال ماجىلىسمەندەر گلەب ششەگەلسكي مەن قۇرالاي قاراكەن اقتوبە قالاسىنا باردى. ءماجىلىس دەپۋتاتتارى يرينا ارونوۆا مەن ايگۇل نۇركينا قوستاناي مەن پاۆلودارداعى مەديتسينالىق مەكەمەلەرگە گۋمانيتارلىق كومەكتىڭ تارالۋىن باقىلاۋدا ۇستايتىن بولادى. دەپۋتاتتار, ەڭ الدىمەن, گۋمانيتارلىق تاۋارلاردىڭ, اسىرەسە مەديتسينالىق ۇيىمدارعا جەتكىزىلۋىنە باسا نازار اۋدارۋدا.
سونىمەن قاتار ءماجىلىس دەپۋتاتتارى حالىقتى الەۋمەتتىك قولداۋعا ەرەكشە ءمان بەرۋدە. ءماجىلىس دەپۋتاتى ەرلان بارلىباەۆ الماتى وبلىسىنداعى بايسەركە اۋىلىنا بارىپ, 12 الەۋمەتتىك جاعدايى تومەن وتباسىنا كومەك بەردى. اۋىل تۇرعىندارىمەن اڭگىمەلەسۋ بارىسىندا ول ەشكىمنىڭ قولداۋسىز قالمايتىنىن ايتىپ, حالىقتى سابىرلى بولۋعا شاقىردى.
