پىكىر • 16 شىلدە، 2020

تۇلعالىق جاۋاپكەرشىلىكتى كۇشەيتەتىن كەزەڭ

11 رەت كورسەتىلدى

پرەزيدەنت قاسىم-جومارت توقاەۆتىڭ تاپسىرماسى بويىنشا مەملەكەتتىك كوميسسيا قابىلداعان قازاقستان رەسپۋب­ليكاسىندا كارانتين شارالارىن كۇشەيتۋ تۋرالى شەشىم كوروناۆيرۋستىڭ تارالۋىنان تۋىنداعان قيىندىقتارعا بايلانىستى بولىپ وتىر. قازىرگى تاڭدا قازاقستاندا عانا ەمەس، الەمدىك قوعامداستىقتا جاعداي كۇردەلەنىپ بارادى.

دۇنيە ءجۇزى بويىنشا سەكسەننەن استام مەملەكەتتىڭ 10 ميلليوننان استام ازاماتى قاۋىپتى ىندەتكە شالدىقتى. پرەزيدەنت ق.توقاەۆتىڭ كارانتين شارالارىن كۇشەيتۋ تۋرالى تاپسىرما بەرگەنى – حالىقتىڭ دەنساۋلىعى مەن ومىرىنە، ەلدەگى الەۋمەتتىك احۋالعا الاڭداۋدىڭ، ەل ازاماتتارىنا دەگەن قامقورلىقتىڭ كورىنىسى.

جاسىراتىنى جوق، توتەنشە جاعداي جاريالان­عان تۇستا قاتاڭ ءتارتىپ ساقتاعان حالىق كەيىنىرەك كارانتين رەجىمى جەڭىلدەتىلگەن كەزدە ازداپ بەي-جاي قاراي باستادى. كارانتيننىڭ كەيبىر تالاپتارى ورىندالماي جاتقانى بايقالدى. سول سەبەپتى مەملەكەت باسشىسى وسىنداي شەشىم قابىلداۋعا ءماجبۇر بولدى.

ءبىراز ءومىر كورگەن، تاريحتان حابارى بار ادام رەتىندە ايتايىن، بۇل ەكىنشى دۇنيەجۇزىلىك سوعىستان كەيىن بولىپ وتىرعان اسا ۇلكەن سىناق. مۇنداي سىناق كەزىندە حالىق جۇمىلىپ جۇدىرىق بولىپ، اۋىزبىرلىكتىڭ، ءتوزىم مەن ءتارتىپتىڭ ۇلگىسىن كورسەتۋى كەرەك. ءار ازامات ءوزى­نىڭ جانە اينالاسىنداعى تۋىستارى مەن دوستارىنىڭ، تانىستارىنىڭ ءومىرى مەن دەنساۋلىعىنا جاۋاپكەرشىلىكپەن قاراۋعا ءتيىس.

قازاقستاندا قابىلدانىپ جاتقان كارانتين شارالارى باسقا امالدىڭ جوقتىعىنان، ءماجبۇرلى تۇردە قولعا الىنۋدا. وعان تۇسىنىستىكپەن قاراپ، ەرەكشە جاۋاپكەرشىلىك تانىتۋىمىز كەرەك.

ىندەتكە قارسى كۇرەستە دارىگەرلەردىڭ بىلىكتىلىگى مەن ەڭبەگىنە، حالىقتى ءدارى-دارمەكپەن قامتۋ بارىسىنا كوپ نارسە بايلانىستى. دەگەنمەن نەگىزگى جاۋاپكەرشىلىكتى ءار ازامات ءوز قولىنا العانى ءجون. ول ءۇشىن بارىنشا وقشاۋلانىپ، الەۋمەتتىك قاشىقتىقتى ساقتاپ، دەنساۋلىعىمىزعا كۇتىممەن قاراۋدى جالعاستىرۋ قاجەت. سول ارقىلى ءبىز ءبىر-بىرىمىزگە جانە ەلىمىزگە كومەكتەسەمىز. قازاقستاندىقتارعا جىگەرىن جانىپ، تۇلعالىق جاۋاپكەرشىلىگىن كۇشەيتىپ، مەملەكەت باسشىسىنىڭ شەشىمىن قولدايتىن ۋاقىت كەلدى.

 

اناتولي باشماكوۆ،

ل.ن.گۋميلەۆ اتىنداعى ەۇۋ قازاقستان حالقى اسسامبلەياسى كافەدراسىنىڭ مەڭگەرۋشىسى

 

سوڭعى جاڭالىقتار

ۇقساس جاڭالىقتار