وقيعا • 15 شىلدە، 2020

Kaspi.kz كومپانياسى 100 جەدەل-جاردەم ماشيناسىن سىيعا تارتادى

وتاندىق ءوندىرۋشى "سارىارقااۆتوپروم" ەمحانالاردىڭ ءموبيلدى بريگادالارىنا ارنالعان سانيتارلىق اۆتوكولىكتى Chevrolet Damas ۇلگىسىندە جانە دەنساۋلىق ساقتاۋ مينيسترلىگىنىڭ تەحنيكالىق ۇسىنىستارىنا سايكەس ازىرلەيدى، دەپ حابارلايدى Egemen.kz

ايىم ءداۋىت

وسىعان بايلانىستى Kaspi.kz باسشىسى ميحايل لومتادزە بىلايشا تۇسىندىرمە بەردى: ⁣"دەنساۋلىق ساقتاۋ جۇيەسىنە قانشالىقتى اۋىر سالماق جۇكتەلگەنىن ءبارىمىز كورىپ وتىرمىز. سوندىقتان ءبىزدىڭ كوماندامىز ىندەتپەن كۇرەستىڭ العى شەبىندە جۇرگەن دارىگەرلەرگە كومەك كورسەتۋدى باستى مىندەت دەپ بىلەدى. ءبىز دارىگەرلەردىڭ جانە دەنساۋلىق ساقتاۋ مينيسترلىگى اۆتوموبيلدەردىڭ جيىنتىقتالۋىنا قوياتىن تالاپتارىن زەردەلەي كەلە، قازاقستاندا تەز ارادا قۇراستىرىپ، قىسقا مەرزىمنىڭ ىشىندە بۇكىل ەلىمىزدەگى پروفيلدىك مەديتسينالىق مەكەمەلەرگە جەتكىزۋگە بولاتىن جەدەل-جاردەم ماشيناسىنا قويىلاتىن تەحنيكالىق تالاپتاردى ازىرلەدىك. ارنايى جيىنتىقتالعان العاشقى اۆتوموبيلدەر دارىگەرلەرگە وسى اپتانىڭ ىشىندە بەرىلەدى"، دەيدى ول.
⁣
ال Kaspi.kz ديرەكتورلار كەڭەسىنىڭ توراعاسى ۆياچەسلاۆ كيم:ءنىڭ ايتۋىنشا، "سارىارقااۆتوپروم” وتاندىق كولىك وندىرۋشىسىمەن بىرلەسىپ، ءبىز شەتەلدە ەمەس، قازاقستاننىڭ وزىندە بارلىق قاجەتتى قۇرالمەن جىلدام جابدىقتاۋعا بولاتىن مودەلدى تاڭداعان. مۇنداي اۆتوموبيلدەردىڭ جالپى قۇنى 1 ميلليارد تەڭگەنى قۇرايدى. قازىر ءبىر جەڭنەن قول، ءبىر جاعادان باس شىعارىپ، بيزنەستىڭ مەملەكەتپەن بىرگە ىندەتتى جەڭۋگە بايلانىستى مىندەتتەردى شەشۋگە بەلسەنە ات سالىساتىن كەز ەكەنىن ناقتىلاپ ءوتتى.
⁣
"ورىن العان جاعدايدى ەسكەرە وتىرىپ، ءبىز ناۋقاس ادامداردى تاسىمالداۋعا قاجەتتى بارلىق مەديتسينالىق، سانيتارلىق جانە باكتەريتسيدتىك جابدىقپەن، ونىڭ ىشىندە ءپورتاتيۆتى وكپەنى جاساندى جەلدەتۋ اپپاراتىمەن، ەكگ-اپپاراتپەن، پۋلسوكسيمەترمەن جانە دەفيبريللياتورمەن جابدىقتالعان ماشينالاردى قىسقا مەرزىمدە دايىندايمىز"، دەيدى "سارىارقااۆتوپروم" ديرەكتورى سىرىم سەمەيباەۆ. ⁣
⁣
قازاقستاننىڭ دەنساۋلىق ساقتاۋ مينيسترلىگىنىڭ دەرەكتەرىنە سايكەس، ەلىمىزدە كۇن سايىن شامامەن 1400 بريگادا جەدەل مەديتسينالىق كومەكپەن قامتاماسىز ەتەدى، ولار 26 000 شاقىرتۋ قابىلدايدى. مينيسترلىك وكىلدەرىنىڭ ايتۋىنشا، بۇل جەدەل جاردەم قىزمەتىنە جانە قازىرگى ينفراقۇرىلىمعا ايتارلىقتاي سالماق تۇسىرەدى.