- ءدارى-دارمەكتەر "فارماكوم", "زابوتا" جانە تاعى باسقا دا ءدارىحانا جەلىلەرىنە تاراتىلادى. سونداي-اق, تاياۋ كۇندەرى وبلىستىڭ بارلىق اۋداندارىنداعى دارىحانالارعا جەتەدى. ءار اۋدانعا جىبەرىلەتىن ءدارى-دارمەك كولەمى سول وڭىردەگى تۇرعىنداردىڭ سانىنا قاراي انىقتالادى, - دەدى "ستوفارم" سەرىكتەستىگىنىڭ كوممەرتسيالىق ديرەكتورى سەرگەي اتكين.
سونىمەن قاتار, وبلىس ورتالىعىنداعى "ىڭكار" سەرىكتەستىگىنە دە 20 توننا ءدارى-دارمەك اكەلىندى. قازىر سەرىكتەستىك قويماسىندا اسا ءزارۋ ءدارىنىڭ 23 ءتۇرى بار. ماسەلەن, مۇندا ءبىر عانا پاراتسەتامولدىڭ 35 مىڭ قاپتاماسى تۇر. تسەفترياكسون, ازيتروميتسين, لەۆوفلوكساتسين, نوۆوكاين, انتيگريپپين, انالگين, زيتماك, كارديوماگنيل, كسارەلتو سياقتى دارىلەر كەشەدەن بەرى دارىحانالارعا تاراتىلىپ جاتىر.
تاياۋ كۇندەرى ايماققا ءدارى-دارمەكتىڭ تاعى ءبىر لەگى كەلىپ جەتۋى ءتيىس. ەرتەڭ رەسەي مەن ءۇندىستاننان ءدارى تيەگەن جۇك ۇشاقتارى قوستاناي اۋەجايىنا قونادى دەپ كۇتىلۋدە.
