"قازگيدرومەت" رمك مالىمەتىنشە, تەك باتىس پەن شىعىستا نايزاعاي ويناپ, جاڭبىر جاۋادى, باتىستا بۇرشاق كۇتىلەدى. كەي جەردە ەكپىندى جەل سوعادى, وڭتۇستىكتە جانە باتىستا شاڭدى داۋىل تۇرادى
قىزىلوردا وبلىسىنىڭ تۇندە كەي جەرىندە, كۇندىز باسىم بولىگىندە جەل 15-23 م/س كۇشەيەدى, شاڭدى داۋىل تۇرادى.
باتىس قازاقستان وبلىسىنىڭ كەي جەرىندە جەل 15-20 م/س ارتادى, داۋىل, بۇرشاق بولجانادى.
جامبىل, تۇركىستان, ماڭعىستاۋ وبلىستارىنىڭ كەي جەرىندە شاڭدى داۋىل تۇرىپ, جەلدىڭ كۇشى 15-20 م/س كۇشەيەدى.
قاراعاندى وبلىسىنىڭ كەي جەرىندە جەل 15-23 م/س ارتادى.
كۇندىز اتىراۋ, اقتوبە وبلىستارىندا 18 م/س ەكپىندە جەل كۇتىلەدى.
كۇندىز تۇركىستان, قىزىلوردا, ماڭعىستاۋ, اقمولا, قوستاناي, سولتۇستىك قازاقستان وبلىستارىندا, قاراعاندى وبلىسىنىڭ وڭتۇستىگىندە قاتتى ىستىق كۇتىلەدى. اتىراۋ, باتىس قازاقستان, اقتوبە وبلىستارىندا قاتتى, كەي جەرلەردە وتە قاتتى ىستىق بولادى.
سونداي-اق اتىراۋ وبلىسىندا, باتىس قازاقستان, قىزىلوردا, قاراعاندى, جامبىل, الماتى وبلىستارىنىڭ كەي جەرىندە, اقتوبە وبلىسىنىڭ وڭتۇستىگىندە, تۇركىستان وبلىسىنىڭ وڭتۇستىك-شىعىسىندا جوعارى ءورت قاۋپى ساقتالادى.
