كوروناۆيرۋس • 14 شىلدە، 2020

“قيىن ستسەناري” بولعان جاعدايدا ەلگە قانشا تىنىس الۋ اپپاراتى قاجەت؟

96 رەت كورسەتىلدى

دەنساۋلىق ساقتاۋ ءمينيسترى الەكسەي تسويدىڭ ايتۋىنشا، قازاقستان وكپەنى جاساندى جەلدەتۋدىڭ 4 مىڭنان استام اپپاراتىن ساتىپ العان جاعدايدا ەڭ قيىن ستسەناريدىڭ وزىنە دايىن بولادى، دەپ جازادى Egemen.kz

"قازىرگى تاڭدا قازاقستانداعى ينفەكتسيالىق ستاتسيونارلارداعى 1553 ينفەكتسيالىق جانساقتاۋ توسەك ورنىندا 966 دانا ستاتسيونارلىق وكپەنى جاساندى جەلدەتۋ اپپاراتى بار. سونىمەن بىرگە دەنساۋلىق ساقتاۋ مينيسترلىگىنىڭ ۇلتتىق قوعامدىق دەنساۋلىق ساقتاۋ ورتالىعىنىڭ بولجامىنا سايكەس جالپى ەلگە الداعى ۋاقىتتا 6 365 جانساقتاۋ توسەك ورنىنا 4 093 وكپەنى جاساندى جەلدەتۋ اپپاراتىن ساتىپ الۋ كەرەك بولادى"، - دەدى الەكسەي تسوي ۇكىمەتتىڭ وتىرىسىندا.

ءمينيستردىڭ ايتۋىنشا، وسىنداي كولەمدەگى اپپاراتتى ساتىپ العان جاعدايدا ەلدەگى اۋرۋحانالار قيىن ستسەناريدىڭ وزىنە دايىن بولادى.

"بۇل اپپاراتتاردى ساتىپ الۋ شىعىنىن دۇنيەجۇزىلىك بانكتىڭ قارىزىن قايتا ءبولۋ جولىمەن 5،5 ملرد تەڭگە، جەرگىلىكتى بيۋدجەتتەردىڭ 4،9 ملرد تەڭگەلىك رەسۋرسىمەن، ۇكىمەت رەزەرۆىنىڭ قاراجاتى ارقىلى (وتاندى وندىرىستەگى اپپاراتتاردى ساتىپ الۋ ارقىلى) جابۋ ۇسىنىلادى"، - دەدى ول.

ءمينيستردىڭ ايتۋىنشا، يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنە سايكەس وسى جىلدىڭ تامىزىندا وكپەنى جاساندى جەلدەتۋ اپپاراتتارىنىڭ وتاندىق ءوندىرىسى جولعا قويىلىپ، ولاردىڭ 595 دانا العاشقى پارتياسى دەنساۋلىق ساقتاۋ ۇيىمدارىنا جەتكىزىلەدى.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار