پىكىر • 14 شىلدە، 2020

ەڭسەنى تۇسىرمەيىك

149 رەت كورسەتىلدى

تاپ وسىنداي ازالى كۇندى بۇكىل ەل بولىپ باستان كەشەمىز دەپ ويلاپ پا ەدىك! تاريحقا قاراپ وتىرساق، ادامزات تالاي ىندەتتى باستان وتكەرگەن ەكەن.

سونداي كەزدە ەل ءىشىن ۇرەي بيلەگەنى سونشالىق، جۇرت اۋرۋ جۇقتىرعان كىشكەنتاي سابي­لەرىن، قارت اتا-انالارىن تاس­تاي قاشىپتى. بىراق ىندەت قاش­قانداردى دا قۋىپ جەتىپتى.

مىناۋ ىندەت تە الەمگە ءدال سونداي ۇرەي شاشىپ تۇر. قا­زىر جەر شارى باستان كەشىپ وتىرعان جاعداي ءبىزدىڭ ەلدى دە جايلادى. وسىنداي اۋىر كە­زەڭدە جاۋاپتى دەگەن كەيبىر شە­نەۋنىكتەردىڭ جاۋاپسىزدىعى ىندەتتى ودان سايىن اسقىندىر­دى. وتانشىلدىق دەگەن وسىندايدا كورىنەدى عوي.

قاراپايىم حالىقتىڭ ىشى­نەن شىققان ىسكەر ادامدار وزدەرى ۇيىمداستىرىپ، قينالىپ جات­قاندارعا قولۇشىن بەرىپ، ءدارى-دار­مەگىن شەتەلدەردەن ال­دىرتىپ جاتىر. سونداي جان­داردىڭ قىز­مەتى ەسەلەپ قايتسىن دەپ تىلەيمىز.

ەل پرەزيدەنتى ق.توقاەۆ ءار مينيسترلىككە قاتاڭ تاپسىرمالار بەرىپ، ناقتى تالاپتار قويدى. سول تاپسىرمالار ءوز دارەجەسىندە ورىندالسا ەكەن دەپ تىلەپ وتىرمىز ەندى.

وكىنىشتىسى – قازاقتىڭ تالاي ارىستاي ازاماتتارى قۇربان بولدى. ەندىگى امال نە بولماق؟ اري­نە، ەڭسەنى ءتۇسىرىپ وتىرا بەرۋ ەمەس. ۇرەيگە بوي الدىر­ماي، سىر­قات­تا­نىپ جاتقان ادام­دارعا جىگەر بەرىپ، بالا-شاعانىڭ كو­زىنشە ءولىم تۋرالى اڭگىمە ايتا بەرمەي، اركىم ءوز وشاعىندا بار­لىق ساقتىق شارالارىن جاساۋى كەرەك دەپ ويلايمىن.

جاۋاپتى مەكەمەلەر مەن شە­­نەۋنىكتەر ءدارى-دارمەكتەردىڭ وڭىر­لەرگە، جەرگىلىكتى جەرلەرگە جەدەل جەتكىزۋدى ۇيىم­داس­تى­رۋعا بارىنشا كۇش سالۋى كەرەك. قازىرگى ۋاقىتتا اۋىرىپ جاتقان ناۋقاستار ءۇشىن ءار كۇن، ءاربىر مينۋت ماڭىزدى.

ازالى وتباسىلارىنا قاي­عى­رىپ كوڭىل ايتامىز. قازاق «قازانىڭ ار­تى قايىرلى بولسىن» دەي­دى مۇن­دايدا. ءار وتبا­سىن­دا امان­شى­لىق بولسىن! سىر­­­قاتتانىپ جات­قاندارعا جە­ڭىل­­دىگىن بەرسىن!

 

وڭايگۇل تۇرجان،

اقىن

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار