ەكونوميكا • 14 شىلدە، 2020

سىر قامىسىنا سىرتتان سۇرانىس بار

337 رەت كورسەتىلدى

جىل باسىنان بەرى قى­زىلوردا وبلىسىنان قۇنى 13،9 ملن اقش دوللارى بولاتىن 38،9 مىڭ توننا اۋىل شارۋاشىلىعى ونىمدەرى ەكسپورتتالدى. بۇل بىلتىرعى وسى كەزەڭمەن سالىستىرعاندا 116،7 پا­يىز­عا ارتىق كورسەتكىش.

اۋىل شارۋاشىلىعى باس­قارماسى ماماندارىنىڭ حابارلاۋىنشا، شەتەلدىكتەر تاراپىنان بالىق پەن كۇرىشكە سۇرانىس جوعارى. وبلىستا ون­دىرىلەتىن ونىمدەر نەگىزىنەن رەسەي، قىرعىزستان، بەلارۋس، ازەر­بايجان، موڭعوليا، تا­جىك­ستان، ۋكراينا، تۇرى­كمەنس­تان، وزبەكستان، گرۋزيا، قىتاي، پول­شا، گەرمانيا، ليتۆا جا­نە يراك مەملەكەتتەرىنە جو­نەلتىلۋ­دە.

بيىل سىرتقا شىعاتىن ونىم­دەر قاتارىنا كادىمگى قامىس تا قو­سىلدى. وبلىستىق اۋىل شا­رۋاشىلىعى باسقارماسى وكىل­دەرى التى اي ىشىندە گەرمانيا مەم­لەكەتىنە 122،1 توننا قامىس جىبە­رىلگەنىن ايتىپ وتىر. سىردا كوپ كەزدەسەتىن قامىستى نەمىستەر ءۇي شاتىرىنا توقىما ماتەريال­دار جاساۋعا پايدالاناتىن كو­رى­­نەدى.

كەزىندە سىر بويىندا قامىس كوپ وسكەن ەكەن. ءتىپتى وتكەن عا­سىر­دىڭ الپىسىنشى جىلدارى وسى وسىمدىكتى كادەگە جاراتۋ ءۇشىن وبلىس ورتالىعىندا تسەلليۋلوزا-كارتون زاۋىتى دا سالىنعان. كوپ ۇزاماي وڭىردەگى وزەن-كولدەر تارتىلىپ، ونى جاعالاي وسەتىن قامىس تا سيرەي باستاعاندىقتان زاۋىتقا شيكىزات ءۇشىن بورەنە مەن كادىمگى قاعاز قالدىقتارى پايدالانىلا باستاپتى. سونىڭ وزىندە دە زاۋىت وتىز جىلداي جۇمىس ىس­تەپ تۇردى.

ۇزاق جىلعى ۇزىلىستەن كەيىن قا­مىستىڭ قايتا كادەگە جاراي باس­تاعانى قۋانتادى. شەتەل­دىك­تەر تاراپىنان سۇرانىس ۇزىل­مەسە، ونشا باپ تىلەي بەر­مەيتىن وسىمدىكتى قولدان دا وسىرۋ­گە بولاتىن سياقتى.

 

قىزىلوردا

 

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار