تەحنولوگيا • 13 شىلدە، 2020

عارىش ينجەنەرلەرى ۆيرۋسپەن كۇرەسىپ جاتىر

68 رەت كورسەتىلدى

پاندەميا كەزىندە عارىش ينجەنەرلەرى كۇشتەرىن كوروناۆيرۋسپەن قاتىستى جوبالارعا باعىتتادى. ناقتى ايتقاندا، NASA-نىڭ JPL ينجەنەرلەرى (رەاكتيۆتى قوزعالىس زەرتحاناسىنىڭ ماماندارى) جەلدەتكىشتىڭ جىلدام قۇراستىرىلاتىن جاڭا ءتۇرىن شىعاردى.

Virgin Orbit كومپانياسى دا قالىسپاي ءدال سونداي قۇرىلعىنى ازىرلەۋدى جولعا قويدى. Blue Origin جانە Boeing مەديتسينا قىزمەتكەرلەرىنە ارنالعان بەتپەردە مەن باسقا دا جەكە قورعانىس قۇرالدارىن شىعارا باستادى.

جەردى باقىلايتىن سپۋتنيكتەر پاركىن باسقاراتىن Maxar جانە Planet كومپانيالارى ءوز قىزمەتتەرىنە سۇرانىستىڭ وسكەنىن بايقادى. ويتكەنى، ولار جيناقتايتىن دەرەكتەر ادام مەن قورشاعان ورتانىڭ ومىرىندەگى جاھاندىق جانە ايماقتىق ۇردىستەردى قاداعالاۋعا كومەكتەسەدى. Intelsat جانە Hughes سەكىلدى تەلەكوممۋنيكاتسيالىق كومپانيالار قاجەتتى ينفراقۇرىلىمدى، قاشىقتان جۇمىس ىستەيتىن بيزنەس سۋبەكتىلەرىن، سول سياقتى اۋرۋحانالار مەن كلينيكالاردى ونلاين رەجىمدە قولداۋ ماقساتىندا سپۋتنيكتىك جەلىدەگى مۇمكىندىكتەرىن كەڭەيتەتىندەرىن حابارلادى.

قازىرگى كۇردەلى كەزەڭدە تەلەمەديتسيناعا دەگەن قاجەتتىلىك كۇرت اسقانى راس. بۇل ورايدا ەۋروپالىق عارىش اگەنتتىگى تەلەمەديتسينا نارىعىندا جۇمىلدىرىلعان كومپانيالاردىڭ قىزمەتىن قاداعالايتىن «ادال بروكەردىڭ» مىندەتىن اتقارۋدىڭ ماسەلەسىن قاراستىرۋدا. وسىعان بايلانىستى ەعا يتاليادا ارنايى جيىن وتكىزگەن-ءدى.

سوڭعى جاڭالىقتار

ۇقساس جاڭالىقتار