جامان ىندەت جەرىمىزگە ناۋرىز ايىنىڭ 13-دە كىرگەن ەدى. ارادا 13 كۇن وتكەندە العاشقى وتانداسىمىزدىڭ ءومىرىن قيدى. قازىر ءبىر كۇندە ونداعان ادامنىڭ ءومىرىن قيۋدا. مىڭداعان ادام ودان ەمدەلىپ, ىندەتتىڭ زاقىمىمەن كۇرەسۋدە. ەلىمىزدە باسقا ادامنىڭ ءومىرى ءۇشىن جانىن پيدا ەتۋگە دايىن ەرجۇرەك ادامداردىڭ دا بار ەكەندىگى بەلگىلى بولدى. ولار اسىرەسە, مەديتسينا قىزمەتكەرلەرى اراسىنان شىعىپ, ازاماتتارىمىزدى قۇتقارىپ قالۋ جولىندا ايانباي كۇرەسىپ كەلەدى. اراسىندا وزدەرىنە دە سىرقات جۇقتىرىپ العاندارى بار. پوليتسيا قىزمەتكەرلەرى اراسىنان دا ءوز مىندەتتەرىن ابىرويمەن ورىنداپ, ىندەتتىڭ تارالۋىنا جول بەرمەگەن قىزمەتكەرلەر قانداي قۇرمەتكە بولسىن لايىق.
وبلىس اكىمىنىڭ ورىنباسارى عاني نىعىمەتوۆ قازاقستاندىقتار وزدەرىنىڭ بىرتۇتاستىعىمەن, ىندەتكە قارسى مىزعىماس بىرلىگىمەن جەڭىسكە جەتەتىنىن ايتتى. ء"بىز بۇگىن جامان ىندەتتىڭ كەسىرىنەن قازا بولعان جەرلەستەرىمىزدى ەسكە الىپ, ولاردىڭ رۋحىنا قۇرمەتىمىزدى بىلدىرۋدەمىز. ءبىز قازىر كوزگە كورىنبەيتىن, قولعا ۇستاۋعا بولمايتىن بەلگىسىز جاۋمەن الىسۋدامىز. وسىندايدا حالىق پەن بيلىك بىرتۇتاستىعىن كورسەتۋى كەرەك. مەن جەڭىس بىزدە بولاتىنىنا سەنىمدىمىن", دەدى ول.
پەتروپاۆل
