الەم • 13 شىلدە، 2020

گونكونگتا كوروناۆيرۋس قايتا ءورشىدى

45 رەت كورسەتىلدى

دۇيسەنبى كۇنى گونكونگتا كوروناۆيرۋس جۇقتىرعان 50 ادام تىركەلدى، دەپ جازادى Egemen.kz قازاقپاراتقا سىلتەمە جاساپ.

SCMP باسىلىمىنىڭ جازۋىنشا، گونكونگ اكىمشىلىگى كوروناۆيرۋس ينفەكتسياسىن جۇقتىرعاندار سانى كۇرت ارتىپ كەتۋىنە بايلانىستى الەۋمەتتىك قاشىقتىق شاراسىن كۇشەيتۋ ماسەلەسىن قاراستىرىپ جاتىر. جالپى، قحر ارنايى اكىمشىلىك اۋدانىندا 5-11 ماۋسىم ارالىعىندا 211 COVID-19 جۇقتىرۋ وقيعاسى تىركەلىپ، ولاردىڭ 143-ءى ولىممەن اياقتالعان.

وسىعان بايلانىستى دۇيسەنبىدەن باستاپ گونكونگتا بالاباقشا مەن مەكتەپتەر جۇمىسىن توقتاتىپ، جازعى دەمالىسقا ەرتە كەتەدى.

گونكونگتىڭ دەنساۋلىق ساقتاۋ دەپارتامەنتى كوروناۆيرۋستىڭ تارالۋىن بولدىرماس ءۇشىن قوعامدى ءتيىستى الەۋمەتتىك قاشىقتىقتى ساقتاۋعا شاقىرادى. سونىمەن قاتار، مۇمكىندىگىنشە كوشەگە شىقپاۋدى، قوعامدىق ءىس-شارالارعا بارماۋدى جانە قاتتى قاجەت بولماعان جاعدايدا قحر اكىمشىلىك اۋدانىنىڭ شەكاراسىنان اسپاۋدى سۇرايدى.

كەيىنگى رەسمي دەرەكتەرگە سايكەس، گونكونگتا 1469 كوروناۆيرۋس ىندەتىن جۇقتىرۋ وقيعاسى تىركەلدى.

 

سوڭعى جاڭالىقتار

ۇقساس جاڭالىقتار