ايماقتار • 13 شىلدە، 2020

تاراز قالاسىنا ىستىق سۋ قاشان بەرىلەدى؟

195 رەت كورسەتىلدى

جاز مەزگىلى كەلە سالىسىمەن تاراز قالاسىندا ىستىق سۋدىڭ ماسەلەسى تۋىندايدى. ياعني، كوشەلەردەگى جەراستى سۋ قۇبىرلارىنىڭ جوندەلۋىنە بايلانىستى وبلىس ورتالىعىنداعى ىستىق سۋ دا وشەدى. جىل سايىن نە ول جوندەلىپ تە بىتپەيدى. ءاربىر جىل سايىن قايتالاناتىن جاعداي وسى. وتكەن جىلى اسقار مىرزاحمەتوۆ جامبىل وبلىسىنىڭ اكىمى قىزمەتىن اتقارىپ جۇرگەندە ەندى تارازدا ىستىق سۋدىڭ وشپەيتىنىن ايتقان بولاتىن. بىراق وڭىردە جاعداي وزگەرىپ، باسشىلىق اۋىسقان سوڭ بۇل ماسەلە "باياعى جارتاس، سول جارتاس" كۇيىندە قالدى. بيىل دا تاراز قالاسىندا ىستىق سۋ وشكەن سوڭ الەۋمەتتىك جەلىلەر ارقىلى تۇرعىندار جەرگىلىكتى بيلىككە ءوز نارازىلىعىن بىلدىرگەن ەدى.

جامبىل وبلىسىنىڭ اكىمى بەردىبەك ساپارباەۆ ءتيىستى باسشىلارعا الداعى بىرنەشە كۇن ىشىندە تارازدىقتاردى ىستىق سۋمەن قامتاماسىز ەتۋدى قالپىنا كەلتىرۋدىڭ شەشىمىن تابۋدى تاپسىردى. اكىم ىستىق سۋدىڭ وشۋىنە بايلانىستى الەۋمەتتىك جەلىلەردە تۇرعىنداردىڭ نارازىلىق ءبىلدىرىپ جاتقانىن اتاپ ءوتتى. "ىستىق سۋ توڭىرەگىندەگى مۇنداي كەلەڭسىزدىك جىلدا قايتالانىپ كەلەدى، بىراق سوعان قاراماستان ناقتى شارالار قابىلدانبايدى. الايدا، بيىلعى جاعداي ءماز ەمەس. قازىر كوپتەگەن ادامدار ۇيدە كارانتينگە قامالىپ وتىرعان كەزدە ءبىز ولاردىڭ دەنساۋلىعىنا بەي-جاي قاراي المايمىز. كۇن سايىن ماعان تاراز تۇرعىندارىنان ونداعان ءوتىنىش كەلىپ تۇسەدى. بۇگىنگى تاڭدا بارلىق كۇش-قۋات ادامداردىڭ ءومىرى مەن دەنساۋلىعىن قورعاۋعا باعىتتالىپ جاتقان كەزدە، ەشقانداي بوساڭسۋ مەن كەمشىلىك كەشىرىلمەيدى"، دەدى ول. وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى قۇدايبەرگەن قورعانباەۆتىڭ ايتۋىنشا، ىستىق سۋ جوسپارلانعان جوندەۋ جۇمىستارىنا بايلانىستى ءوشىرىلىپتى. تاراز قالاسىنداعى 1312 تۇرعىن ءۇيدىڭ 1253-ءى ورتالىقتاندىرىلعان جىلۋ جۇيەسىنە قوسىلعان. ولارعا "تارازەنەرگوورتالىق" اق، "جامبىل جىلۋ" جشس، "سوفيا" جشس، "جامبىل گرەس" جانە "تارازترانسەنەرگو" مەملەكەتتىك قازىنالىق كاسىپورنى قىزمەت كورسەتەدى. بۇگىندە جىلۋ جۇيەسىن قايتا قۇرۋ جانە جوندەۋ بويىنشا 17 جوبا جۇزەگە اسىرىلۋدا. كەلىسىمشارت بويىنشا مەردىگەرلەر نىسانداردى قازان ايىندا تاپسىرۋعا مىندەتتى ەكەن. الايدا، بەردىبەك ساپارباەۆتىڭ ايتۋىنشا، بۇل مەرزىمدى تىم ۇزاق. دەگەنمەن، وبلىس ورتالىعىنا جاپپاي ىستىق سۋدىڭ قاشان بەرىلەتىنى دە بەلگىسىز.

جامبىل وبلىسى

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار