قازاقستان • 13 شىلدە، 2020

بۇگىن بىرنەشە وڭىردە اپتاپ ىستىق بولادى

19 رەت كورسەتىلدى

13 شىلدە كۇنى ەلىمىزدىڭ باسىم بولىگىنە انتيتسيكلون اسەر ەتىپ، جاۋىن-شاشىنسىز، ىستىق اۋا رايى كۇتىلەدى، - دەپ حابارلايدى Egemen.kz.

الايدا، ەلدىڭ سولتۇستىك جانە سولتۇستىك-شىعىسىندا نايزاعاي ويناپ، وتكىنشى جاڭبىر بولادى، جەلدىڭ كۇشەيۋى كۇتىلەدى. وڭتۇستىكتە جانە باتىستا – شاڭدى داۋىل، شىعىستا بۇرشاق جاۋى ىقتيمال.

"قازگيدرومەت" رمك مالىمەتىنشە، شىعىس قازاقستان وبلىسىنىڭ كەي جەرىندە نايزاعاي كۇتىلەدى، جەل 15-20 م/س كۇشەيەدى، كۇندىز بۇرشاق جاۋى ىقتيمال. 

تۇندە پاۆلودار، قاراعاڭدى، اقمولا وبلىستارىنىڭ كەي جەرىندە نايزاعاي كۇتىلەدى. پاۆلودار وبلىسىندا جەلدىڭ ەكپىنى 15-20 م/س ارتادى. 

قىزىلوردا وبلىسىنىڭ كەي جەرىندە شاڭدى داۋىل تۇرادى. 15-20 م/س جىلدامدىقتاعى جەل 25 م/س كۇشەيەدى. 

جامبىل، تۇركىستان، ماڭعىستاۋ، كۇندىز اتىراۋ وبلىستارىنىڭ كەي جەرىندە شاڭدى داۋىل كۇتىلەدى، 15-20 م/س جەل تۇرادى. تۇركىستان وبلىسىندا كۇندىز جەلدىڭ ەكپىنى 25 م/س جەتەدى. 

كۇندىز باتىس قازاقستان وبلىسىنىڭ كەي جەرىندە جەل 15-20 م/س كۇشەيەدى. 

اتىراۋ وبلىسىندا، قىزىلوردا، قاراعاندى، تۇركىستان، جامبىل، الماتى وبلىستارىنىڭ كەي جەرىندە، اقتوبە، باتىس قازاقستان وبلىستارىنىڭ وڭتۇستىگىندە جوعارى ءورت قاۋپى ساقتالادى.

سوڭعى جاڭالىقتار

ۇقساس جاڭالىقتار