– ىندەتتىڭ نەگىزگى وشاقتارى – اتىراۋ قالاسى مەن جىلىوي اۋدانى. وسى ەكى جەردە قاۋىپتى ىندەتكە شالدىققاندار بارلىق ناۋقاستىڭ 85 پايىزىن قۇراپ وتىر. ال پنەۆمونيانىڭ 2174 جاعدايى تىركەلگەن. سوڭعى ەكى ايدا جەدەل مەديتسينالىق جاردەمدى شاقىرۋ 2 ەسەگە وسكەن. مۇنىڭ ءبارى شۇعىل شارالار قابىلداۋدى قاجەت ەتەدى, – دەدى ەرالى توعجانوۆ.
وسىنداي سەبەپپەن, اتىراۋدا ەپيدەميالىق احۋالدى تۇراقتاندىرۋ ءۇشىن قولعا الىناتىن شارالار جان-جاقتى تالقىلاندى. بىرىنشىدەن, اتىراۋدان الماتىعا, اقتوبە مەن ماڭعىستاۋعا قاتىنايتىن جولاۋشى پويىزدارى توقتاتىلدى. ەكىنشىدەن, مەيرامحانالار مەن ءدامحانالار, اسحانالار مەن قوعامدىق تاماقتانۋ ورىندارى, ازىق-ت ۇلىك ەمەس دۇكەندەر ۇيگە جەتكىزۋ قاعيداتىمەن جۇمىس ىستەۋگە كىرىستى. ۇشىنشىدەن, پوليتسيا جانە وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتتەرى وتباسىلىق شارالاردى وتكىزۋگە سالىنعان تىيىمنىڭ ساقتالۋىن قاداعالاپ, ونى بۇزعانداردى انىقتاپ جاتىر. تورتىنشىدەن, ەنەرگەتيكا مينيسترلىگى جەرگىلىكتى اتقارۋشى ورگاندارمەن بىرگە ۆاحتالىق جۇمىسقا كەلەتىندەردى ءۇش كۇن بۇرىن تۇرعىلىقتى مەكەنجايىندا پتر-تەستتەن وتكىزۋى ءتيىس. بۇل تاپسىرمانىڭ ورىندالۋىنا جۇمىس بەرۋشىلەر جاۋاپتى بولادى.
ال اتىراۋ وبلىسىنىڭ اكىمدىگى ءدارىحانالاردى ءبىرىنشى قاجەتتىلىكتەگى دارىلەرمەن قامتاماسىز ەتىپ, 20 شىلدەگە دەيىن ينفەكتسيالىق ورىندارداعى كەرەۋەت سانىن 350-گە دەيىن جەتكىزۋى, ءموبيلدى توپتاردىڭ سانىن 120-عا دەيىن كوبەيتۋى, كيسلورودتىق ستانسالار سانىن ۇلعايتۋى قاجەت. وڭىردەگى, سونىڭ ىشىندە جىلىوي اۋدانىنداعى كارانتيندىك شەكتەۋ شارالارىنىڭ ساقتالۋىن باقىلاۋعا الۋى كەرەك. كوروناتاكسي قىزمەتىن ۇيىمداستىرىپ, جەكە كلينيكالاردى ناۋقاستاردى ەمدەۋ ىسىنە تارتۋى قاجەت.
وبلىس اكىمى ماحامبەت دوسمۇحامبەتوۆتىڭ مالىمەتىنشە, قالالىق ەمحانالار جانىنان ستاتسيونارلار جاساقتالىپ, ناۋقاستاردى ەمدەۋ شارالارى اتقارىلىپ جاتىر. ساll-ورتالىق اشىلىپ, تاۋلىك بويى بىلىكتى ماماندار تۇرعىندارعا كەڭەس بەرۋدە. قازىر وبلىستا 694 ينفەكتسيالىق, 895 پروۆيزورلىق, 2328 كارانتيندىك ستاتسيونارلار جۇمىس ىستەيدى. بۇگىندە ستاتسيونارلار 115 وكپەنى جاساندى جەلدەتۋ اپپاراتىمەن, 29 رەنتگەن اپپاراتىمەن قامتىلعان. سونىمەن بىرگە, 4 كومپيۋتەرلىك توموگرافيا بار. ەمحانالار جانىنان 61 ءموبيلدى توپ جاساقتالعان. ولار كوروناۆيرۋس ينفەكتسياسىنىڭ سيمپتومسىز جانە جەڭىل تۇرىمەن اۋىرعاندارعا ءۇي جاعدايىندا امبۋلاتورلىق كومەك كورسەتۋدە.
ناۋقاستار شاقىرۋىنان قالمايتىن جەدەل جاردەم ستانساسىنىڭ ۇجىمى بىلىكتى ارىپتەسىنەن ايرىلدى. وسى ۇجىمداعى كوروناۆيرۋس ينفەكتسياسىمەن كۇرەس بريگاداسىنىڭ فەلدشەرى 10 شىلدەدە ەكى جاقتى پنەۆمونيادان كوز جۇمدى. بۇل دەرەكتى وبلىستىق دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆ راستاپ وتىر.
– وڭىردە قاۋىپتى ىندەتتەن مەديتسينا قىزمەتكەرىنىڭ قايتىس بولعان جاعدايى تىركەلدى. قايتىس بولعان 48 جاستاعى فەلدشەر كوروناۆيرۋسپەن كۇرەس بريگاداسىندا جۇمىس ىستەگەن. بۇل وقيعا بارلىعىمىزعا اۋىر ءتيدى. اسىرەسە مەديتسينا قىزمەتكەرلەرى ءۇشىن. وسى ورايدا قانشا قيىن بولسا دا جۇمىسىن ادال اتقارىپ جۇرگەن مەديتسينا قىزمەتكەرلەرىنە باسىمدى يەمىن. دەنساۋلىق ساقتاۋ باسقارماسىنىڭ باسشىسى رەتىندە ولارعا العىسىمدى بىلدىرەمىن, – دەدى ن.قابدىقاپاروۆ.
ءدال قازىر اتىراۋعا ۇرەي ۇشىرعان قاۋىپتى ىندەتتىڭ بەتىن قايتاراتىن بىلىكتى دارىگەرلەردىڭ دە, اۋىرعان جانعا شيپاسى تيەر ءدارى-دارمەكتىڭ دە قاجەتتىگى ايقىن سەزىلىپ وتىر. ءبىر سوزبەن ايتقاندا, جەدەل جاردەم كەرەك.
اتىراۋ
