قازاقستان • 12 شىلدە، 2020

نۇر-سۇلتانعا COVID-19 جانە پنەۆمونيامەن اۋىراتىن ناۋقاستاردى ەمدەۋگە ارنالعان ءدارى-دارمەكتەر جەتكىزىلدى

29 رەت كورسەتىلدى

نۇر-سۇلتانعا جۇك ۇشاعىمەن COVID-19، پنەۆمونيا جانە باسقا دا اۋرۋلاردى ەمدەۋگە قاجەتتى ءدارى-دارمەكتەر جەتكىزىلدى. مەملەكەت باسشىسىنىڭ تاپسىرماسىنا سايكەس ۇكىمەت ءدارىحانالاردى ءدارى-دارمەكتەرمەن قامتاماسىز ەتۋ بويىنشا جۇيەلى جۇمىس جۇرگىزۋدە. بۇل جۇمىستى ەلوردا اكىمدىگى دە جۇزەگە اسىرۋدا، دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.

وسىلايشا، العاشقى جونەلتىلىم كەزىندە قالاعا 600 مىڭنان استام ءدارى-دارمەك قاپتاماسى جۇك ۇشاعىمەن جەتكىزىلدى. كەلىپ تۇسكەن تاۋارلاردىڭ تىزىمىندە ءدارى-دارمەكتىڭ 350-گە جۋىق ءتۇرى بار. مىسالى، كسارەلتو، تسەفترياكسون، كلەكسان، ازيتروميتسين، دەكسامەتازون، مەتيلپرەدنيزولون، يبۋپروفەن، نيمەسۋليد، كارديوماگنيل، لەۆوفلوكساتسين، مەترونيدازول، گەپارين، نيمەسۋليد، يبۋفەن، پاراتسەتامول، وفلوكساتسين جانە ت.ب.

ءىرى ءدارىحانا جەلىلەرىنە جەتكىزۋ ەرتەڭ باستالادى. سونىمەن قاتار جاقىندا جۇك كولىكتەرىمەن تاعى ءدارى-دارمەك جەتكىزىلەدى دەپ كۇتىلۋدە. وسى اپتادا ءدارى-دارمەكتەر دارىحانالارعا جەتكىزىلە باستادى. ءدارىحانالاردى قامتاماسىز ەتۋ جۇمىستارى تۇراقتى نەگىزدە جۇرگىزىلەتىن بولادى.

ەلوردا اكىمى التاي كولگىنوۆ ءدارىحانا جەلىلەرىنىڭ ديستريبيۋتورلارىمەن، فارماتسەۆتيكالىق كومپانيالار مەن ءدارىحانالاردىڭ وكىلدەرىمەن كەلىسسوزدەر وتكىزدى. دەنساۋلىق ساقتاۋ مينيسترلىگىمەن بىرلەسىپ، اكىمدىك ءدارى-دارمەكتەردى ساتىپ الۋ مەن اكەلۋ راسىمدەرىن جەڭىلدەتۋ، لوگيستيكا بويىنشا قولداۋ كورسەتەدى.

ۋاقىتىلى اقپارات الۋ ءۇشىن ەلوردا اكىمدىگى covid19.astana.kz پاراقشاسىن اشتى، وندا ءسىز كوروناۆيرۋس ينفەكتسياسى تۋرالى رەسمي مالىمەتتەردى، ونىڭ ىشىندە ءدارىحانالاردا ءدارى-دارمەكتەردىڭ بار-جوعىن بىلە الاسىز.

سونىمەن قاتار جاقىن ۋاقىتتا ەلورداعا ساتىپ الىنعان زاتتاردان باسقا، 200 وكپەنى جاساندى جەلدەتۋ قۇرىلعىسى، 500 فلۋومەتر، 500 وتتەگى كونتسەنتراتورى جانە ەكى كومپيۋتەرلىك توموگراف جەتكىزىلەدى.

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار