ايماقتار • 12 شىلدە، 2020

اتىراۋ بالىقشىلارى جايىققا بەكىرەنىڭ 2،8 ملن شاباعىن جىبەردى

238 رەت كورسەتىلدى

جىل سايىن جايىق وزەنىنە بىرنەشە ميلليون بەكىرە تۇقىمداس بالىقتار شاباعى جىبەرىلىپ كەلەدى. ال، بۇل جولى سۋ ايدىنىنا 2،8 ملن بەكىرە شاباعى ءجۇزىپ كەتتى.

"جايىق-اتىراۋ" بەكىرە شاباعىن ءوسىرۋ زاۋىتىنىڭ ديرەكترى عيلمان سارسەماليەۆتىڭ مالىمەتىنە سۇيەنسەك، مۇندا بەكىرە تۇقىمداس بالىقتاردىڭ شاباعى  12 توعاندا وسىرىلەدى. سوڭعى ءبىر ايدان بەرى سونداي  شاباقتاردى جايىق وزەنىنە جىبەرىلىپ جاتىر.

– ماۋسىم ايىندا  بەكىرە، قورتپا جانە سۇيرىكتىڭ  1 ملن 240 مىڭنان استام شاباعىن جىبەرگەن ەدىك.  بۇل جۇمىس  8،9 جانە 10 شىلدە دە جالعاسىپ، جايىق وزەنىنە شوقىردىڭ 2،8 ملن شاباعىن جىبەردىك. شاباقتاردىڭ سالماعى 1،5 گرامنان 3-3،5 گرامدى قۇرادى، - دەدى عيلمان سارسەماليەۆ.

1

ونىڭ ايتۋىنشا، بيىل اتالعان زاۋىت پەن "امانگەلدى" وندىرىستىك كووپەراتيۆىنىڭ بالىقشىلارى بەكىرە تۇقىمداس بالىقتىڭ 157 داناسى اۋلاپتى. زاۋىت ماماندارى باعالى بالىقتاردان قارا ۋىلدىرىقتى  جاساندى جولمەن الادى.  سودان كەيىن بەكىرە تۇقىمداس بالىقتاردى كاسپي تەڭىزىنە قايتا جىبەردى. 

سوڭعى جاڭالىقتار

ۇقساس جاڭالىقتار