ايماقتار • 12 شىلدە، 2020

قاراعاندىدا قورقور كلۋبىنا قوماقتى ايىپپۇل سالىندى

15 رەت كورسەتىلدى

كەنشىلەر استاناسىندا كارانتين كەزىندە قىزمەتىنە تىيىم سالىنعانىنا قاراماستان، شارۋاسىن دوڭگەلەتىپ جۇرگەن كوڭىل كوتەرۋ مەكەمەلەرى بىرىنەن سوڭ ءبىرى انىقتالىپ جاتىر، – دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

تاياۋدا قاراعاندى وبلىستىق وڭىرلىك جەدەل شتابىنىڭ تەكسەرۋ كوميسسياسى سانيتارلىق ەرەجەلەرمەن بەلگىلەنگەن تالاپتاردى ساقتاۋ بويىنشا رەيد وتكىزۋ بارىسىندا قالاداعى تانىمال قورقور كلۋبىنىڭ ءتارتىپ بۇزعانىن انىقتادى.

تەكسەرۋ بارىسىندا بەلگىلى بولعانداي، اتالعان كلۋبقا تەك تۇراقتى كليەنتتەر عانا كىرەدى ەكەن. ولار مەكەمە اكىمشىسىنە تەلەفون ارقىلى الدىن الا تاپسىرىس بەرىپ، ورىنداردى برونداپ وتىراتىن كورىنەدى.

تەكسەرۋ كوميسسياسىنىڭ ۇيعارىمىمەن تىيىم سالىنعان ۋاقىتتى ەلەمەي جۇمىس ىستەگەن كلۋب باسشىلىعىنا 230 اەك (640 مىڭ تەڭگە) مولشەرىندە ايىپپۇل سالۋ جونىندە حاتتاما تولتىرىلدى.

ەسكەرتە كەتەتىن ءبىر جايت، تەكسەرۋ كەزىندە كوڭىل كوتەرۋ مەكەمەسىندە بولعان دەمالۋشىلارعا قاتىستى قانداي دا ءبىر جاۋاپكەرشىلىك قاراستىرىلماعان.

بۇدان بولەك، قاراعاندى قالاسى بويىنشا جۇرگىزىلگەن رەيد بارىسىندا جۇمىس ۋاقىتىنىڭ شەكتەلۋىن بۇزعان بىرقاتار ءدامحانالار مەن اۆتوكولىك جۋ ورىندارى دا اكىمشىلىك جاۋاپكەرشىلىككە تارتىلدى.

سوڭعى جاڭالىقتار

ۇقساس جاڭالىقتار