“بىزگە ەتەنە تۋىس قىرعىز حالقىن ايايمىن”

كەشە “ەۆرونيۋس” تەلەارناسى­نا بەرگەن سۇحباتىندا نۇرسۇلتان نا­زارباەۆ قىرعىزستاندا بولىپ جاتقان سوڭعى وقيعالارعا بايلا­نىس­تى قازاقستاننىڭ ۇستانىمىن ايقىنداپ بەردى. مەملەكەت باسشىسى ءبىز ءۇشىن تۋىسقان ەلدە تاعى دا تۇراقسىزدىق ورىن الىپ, ازاماتتاردىڭ قانى ءتو­گىلگەنىنە وكىنىش ءبىلدىردى. پرەزيدەنت قازاقستان ەقىۇ توراعاسى رەتىندە رەسپۋبليكا پارلامەنتى ءماجىلى­سى­نىڭ ۆيتسە-سپيكەرى ج.كارىبجانوۆتى قىرعىز­ستان بويىنشا ارناۋلى وكىل ەتىپ تاعايىنداعانىن اتاپ ءوتتى. ەقىۇ حاتشىلىعىنان بىشكەككە ەقىۇ حاتشىلىعىنىڭ قاقتىعىس­تار­دى بولدىرماۋ جونىندەگى ورتا­لى­عى­نىڭ ديرەكتورى گ.زالبەر ءجى­بەرىلگەن. نۇرسۇلتان نازارباەۆ كورشى رەس­­پۋبليكادا بولىپ جاتقان كۇش قول­دانۋ مەن توناۋشىلىقتى ايىپ­تادى. – قىرعىز رەسپۋبليكاسى – ءبىزدىڭ كورشىمىز. وسى وقيعالاردى ۇلكەن وكىنىشپەن باقىلاپ وتىر­مىن. مەن وسىنداي تۇڭعيىق يىرىمگە ۇنەمى تاپ بولاتىن ەتەنە تۋىس قىر­عىز حالقىن ايايمىن. بارلىق سايا­ساتشىلار بۇل رەتتە حالىققا قام­قور­لىق جاسايتىنىن, ولارعا جاق­سىلىق تىلەيتىنىن ايتۋمەن بولادى. ال ءىس جۇزىندە ەكىنشى كۇن ب ۇلىنگەن­نەن بۇلدىرگە الۋشىلىق – توناۋ­شى­لىق ءجۇرىپ جاتىر. دۇكەندەردى قيراتىپ, ورتەۋدە, بانكتەر جابىل­عان, بيزنەس قالالاردان بەزىپ, قىر­عىز­ستاننان كاپيتال كەتۋدە. تۇراق­تى­لىق جوق بولسا – ەشتەڭە دە بولا ال­مايدى. ساياساتپەن, بارريكادالار­مەن اينا­لىسپاۋ كەرەك. الدىمەن حا­لىقتى تويىندىراتىن, وعان جۇ­مىس بەرەتىن نارسەلەرمەن اينالىسۋ كەرەك. وسىنداي كەلەڭسىزدىك سالدارىنان بۇگىندە قىرعىزستان حالقىنىڭ جارتىسىنان استامى كەدەيشىلىك دەڭگەيىنەن تومەن جاع­دايدا تۇرادى. جۇمىسسىزدىق وتە كوپ. جان باسىنا كەلەتىن ءىجو, سالىستىرىپ كورىڭىز, قىرعىز­ستان­دا – 800 دوللار, قا­زاقستاندا – 8000 دوللار. قازاقستان بۇكىل وسى جىلدارى بەيبىت ءومىردىڭ ءلاززاتىن كورۋدە, ادامدار تىنىش ەڭبەك ەتىپ, بالالارىن تاربيەلەۋدە. ەلدە تۇراقتىلىق بار. كوپۇلت­تىلىعىنا قاراماستان, ادامدار ءبىر-ءبىرىن قۇر­مەتتەيدى, تولەرانتتىلىق وتە جوعارى. وسىنىڭ ءوزى بىزگە دامۋ مۇمكىندىگىن بەرەدى, ينۆەستيتسيا تارتۋ مۇمكىندىگىن تۋعىزادى. مۇنىڭ ءبارى تۇراقتىلىق پەن حالىقتىڭ تىنىش ءومىر ءسۇرۋى – ەڭ باستى ماسەلە ەكەنىن كورسەتەدى, – دەپ قاداپ ايتتى پرەزيدەنت نۇرسۇلتان نازارباەۆ.