ايماقتار • 10 شىلدە، 2020

ارال اۋدانىنداعى جاقسىقىلىش كەنتى تابيعي گازعا قوسىلدى

15 رەت كورسەتىلدى

بۇگىن ارال اۋدانىنداعى جاقسىقىلىش كەنتى تابيعي گازعا قوسىلدى. وسىعان بايلانىستى ۇيىمداستىرىلعان تەلەكوپىرگە وبلىس اكىمى گۇلشارا ابدىقالىقوۆا قاتىسىپ، كەنت تۇرعىندارىنىڭ قۋانىشىن ءبولىستى.

تۇڭعىش پرەزيدەنتىمىز - ەلباسى نۇرسۇلتان نازارباەۆتىڭ قولداۋىمەن باستالعان ءىرى ستراتەگيالىق ماڭىزى بار – "بەينەۋ – بوزوي-شىمكەنت" ماگيسترالدى گاز قۇبىرى ءبىزدىڭ وڭىرىمىزگە ءساتتى قادام، زور مۇمكىندىك اكەلدى. وبلىس اۋماعىنان وتەتىن گاز قۇبىرى سىر ءوڭىرىن گازداندىرۋعا جول اشتى. قازىرگى تاڭدا اۋداندا 6 500-گە جۋىق تۇرعىن ءۇي كوگىلدىر وتىنمەن قامتاماسىز ەتىلگەن. 200-دەن استام كاسىپكەرلىك جانە الەۋمەتتىك-مادەني نىساندار گازعا قوسىلعان. بۇگىن جاقسىقىلىش كەنتىنە كوگىلدىر وتىن جەتكىزىلىپ وتىر. وسى جۇمىستاردىڭ بارىسىندا جاقسىقىلىش كەنتىندەگى جالپى سانى 855 جەكە تۇرعىن ءۇي، 23 كاسىپكەرلىك نىسان جانە 4 الەۋمەتتىك نىسان كوگىلدىر وتىنعا قوسىلادى. بۇگىنگى كوروناۆيرۋس ىندەتىنە قاراماستان قول جەتكىزىپ وتىرعان كوگىلدىر وتىن ءاربىر وتباسىنىڭ جىلۋىن، وتانىمىزدىڭ قۋاتىن ارتتىرا تۇسەدى دەپ سەنەمىن! ،- دەدى وبلىس اكىمى گۇلشارا ابدىقالىقوۆا.

وبلىس باسشىسىنىڭ لەبىزىنەن كەيىن كەنت رەسمي تۇردە تابيعي گازعا قوسىلدى. 2015 جىلى قىزىلوردا وبلىسى اكىمدىگى مەن "قازترانسگاز ايماق" اق اراسىنداعى مەموراندۋمعا سايكەس ارال قالاسىندا 288 شاقىرىمعا گاز قۇبىرى تارتىلىپ، 2 گاز تاراتۋ پۋنكتى مەن 36 شكافتى گاز تاراتۋ پۋنكتەرى سالىنعان بولاتىن.  قالادا جالپى 6321 تۇرعىن ءۇي، 210 كاسىپكەرلىك جانە 18 الەۋمەتتىك-مادەني نىساندار گاز جۇيەسىنە قوسىلعان.

بىلتىر وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ تاپسىرىسىمەن جاقسىقىلىش كەنتىن گازداندىرۋ جۇمىستارى باستالدى. مەردىگەر مەكەمە – "كومپانيا گاز ستروي" جشس باستاعان جۇمىس بۇگىنگى كۇنى تولىق اياقتالدى. كەنتكە 57،7 شاقىرىم گاز قۇبىرى تارتىلىپ، 1 گاز تاراتۋ پۋنكتى جانە 4 شكافتى گاز تاراتۋ پۋنكتەرى ورناتىلعان.

تەلەكوپىرگە جاقسىقىلىش كەنتىنەن ارال اۋدانىنىڭ اكىمى مۇحتار ورازباەۆ، وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ مىندەتىن اتقارۋشى ەرلان جولامانوۆ، "ارالتۇز" اق ديرەكتورى باۋىرجان كوشىمباەۆ جانە "قازترانسگاز ايماق" اق قىزىلوردا وندىرىستىك فيليالىنىڭ قىزمەتكەرلەرى قاتىستى.

شارا سوڭىندا ەڭبەك ارداگەرى ايتۋعان يسماعۇلوۆ اتقارىلىپ جاتقان جۇمىستارعا كەنت تۇرعىنداردىڭ اتىنان العىس ايتىپ، باتاسىن بەردى.

 

 

 

 

 

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار