ايماقتار • 10 شىلدە، 2020

باتىستا "جاسىرىن ەسىرتكى زەرتحاناسى" تابىلدى

1844 رەت كورسەتىلدى

باتىس قازاقستان وبلىسىنىڭ پوليتسەيلەرى ۇلتتىق قاۋىپسىزدىك ورگاندارىمەن بىرلەسىپ "تەحنيكانىڭ سوڭعى ۇلگىسى" بويىنشا جابدىقتالعان ەسىرتكى زەرتحاناسىن جويدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

ەسىرتكى وندىرۋشىلەر تەرەكتى اۋدانىندا گاراج جانە اۋلاداعى قۇرىلىستى ساتىپ الىپ، ونى جاسىرىن ەسىرتكى زەرتحاناسى ەتىپ ىڭعايلاستىرىلعان. زەرتحانانىڭ ەرەكشەلىگى – ونىڭ جابدىقتالۋى مەن تازالىعى، ول ونەركاسىپتىك اۋقىمدا سينتەتيكالىق ەسىرتكى شىعارۋعا ەسەپتەلگەن.

قايتا جابدىقتالعان جاسىرىن زەرتحانادان پوليتسيا قىزمەتكەرلەرى شىنى ىدىسى بار ەكى كونسترۋكتسيانى، سونداي-اق مۇزداتقىش كامەرانى انىقتادى. "زەرتحانا" ءۇي-جايىندا جاساندى جەلدەتكىش بولعان. اۋلانىڭ ارتقى جاعىنا ارقايسىسى 1000 ليتردەن ءۇش سىيىمدىلىق كومىلگەن.

ءۇيدى جانە زەرتحانانى ءتىنتۋ بارىسىندا ۇنتاق ءتارىزدى زاتتار، قوسپالار، حيميالىق زاتتاردىڭ كونتسەنتراتتارى، سونداي-اق حيميالىق رەاگەنتتەرى بار كانيسترلەر، قورعانىش كوستيۋمدەرى، رەسپيراتورلار مەن زەرتحانالىق جابدىقتار تابىلدى. سونىمەن قاتار، وقيعا ورنىندا 11،4 كگ مەفەدرون سينتەتيكالىق ەسىرتكىسى جانە 8،1 كگ پيروۆالەرون الىندى.

بۇل – قازاقستانداعى ەڭ ءىرى سينتەتيكالىق ەسىرتكى الۋ. بەلگىلى بولعانداي، ەسىرتكىنى وندىرۋمەن ءبىزدىڭ ەلىمىزگە كوكتەمدە كەلگەن ۋكراينا ازاماتتارى اينالىسقان، ولار بىرنەشە جەرگىلىكتى تۇرعىندارمەن تىعىز بايلانىس ورناتىپ، ولاردى سينتەتيكالىق ەسىرتكى ءوندىرۋ بويىنشا قىلمىستىق ءىس-ارەكەتكە قاتىستىرعان. قۇرىلىسى بار ءۇي ساتىپ الۋ، ولاردى جوندەۋ جانە باسقا دا جۇمىستار تاڭقۋراي بۇتالارىن وسىرۋگە جاعداي جاساۋ ءۇشىن بۇركەمەلەنگەن.

ول ءۇشىن جشس تىركەلگەن، ۇستالعاندار وعان كەنت ءۇيى مەن اۆتوكولىكتى راسىمدەگەن. ۇستالعاندار بىرنەشە رەت سىناۋدان كەيىن 2020 جىلدىڭ ماۋسىم ايىنىڭ سوڭىندا سينتەتيكالىق ەسىرتكى وندىرە باستاعانىن مويىندادى.

وسىنداي زەرتحانانى پوليتسيا قىزمەتكەرلەرى مامىر ايىنىڭ سوڭىندا الماتى وبلىسىنىڭ تالعار اۋدانىندا جويعان بولاتىن. وندا زەرتحانالىق جابدىقتار مەن حيميكاتتاردان بولەك، ساتۋعا دايىن التى كەلىدەن استام مەفەدرون تاركىلەندى. جۇرگىزىلگەن ارنايى وپەراتسيا ناتيجەسىندە 413 ملن تەڭگەدەن استام سوماعا دايىندالعان سينتەتيكالىق ەسىرتكىنىڭ 120 مىڭ دوزاسى ەسىرتكى تۇتىنۋشىلارعا جەتكەن جوق.

ۇستالعاندارعا قاتىستى قىلمىستىق كودەكستىڭ 297-بابىنىڭ 3-بولىگى "ەسىرتكى زاتتاردى وتكىزۋ ماقساتىندا زاڭسىز دايىنداۋ، يەمدەنىپ الۋ، ساقتاۋ، تاسىمالداۋ نەمەسە ادامدار توبىنىڭ الدىن الا ءسوز بايلاسۋىمەن وتكىزۋ" بويىنشا سوتقا دەيىنگى ءىس جۇرگىزۋ باستالدى. جازا مۇلكى تاركىلەنىپ، ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋدى كوزدەيدى. تەرگەۋ جالعاسىپ جاتىر.


سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار