ايماقتار • 10 شىلدە، 2020

الماتى اۋەجايىنا COVID-19 قارسى دارىلىك پرەپاراتتاردىڭ ءىرى پارتياسى جەتكىزىلدى

111 رەت كورسەتىلدى

الماتى قالاسىنىڭ حالىقارالىق اۋەجايىنا دارىلىك پرەپاراتتارى بار ءبىرىنشى اۋە رەيسى كەلىپ قوندى. بۇگىن بارلىعى ەكى رەيسپەن رەسەيدەن 55 توننا مەديكامەنت جەتكىزىلەدى، جۇك قۇرامىندا الەۋمەتتىك ماڭىزدى 10-نان استام پرەپارات اتاۋى بويىنشا شامامەن 3 ملن قوراپ، سونىڭ ىشىندە، دەنە قىزۋىن تۇسىرەتىن جانە COVID-19-عا قارسى باسقا دا دارىلىك قۇرالدار بار. تىزىمدە - ازيتروميتسين، تسەفتازيديم، يبۋپروفەن، فراكسيپارين، مەترونيدازول، تسەفترياكسون، گەپارين، نيمەسۋليد، لەۆوفلوكساتسين، مەروپەنەم پوروشوك، ەنوكساپارين – بينەرگيا جانە باسقالارى بار.

دارىلىك پرەپاراتتاردى ازاماتتىق اۆياتسيا كوميتەتىنىڭ ارنايى بورتتارىمەن جەدەل جەتكىزۋ – قر ۇكىمەتىنىڭ نارىقتى الدەقايدا سۇرانىسقا يە دارىلەرمەن شۇعىل تولىقتىرۋدا جۇزەگە اسىرىپ وتىرعان شارالارىنىڭ ءبىرى. وسىنداي رەيستەر تۇراقتى تۇردە دارىلىك نارىقتى قامتاماسىز ەتۋ ءۇشىن جانە ءدارىحانا جەلىلەرىن قاجەتتى پرەپاراتتارمەن ۇنەمى تولىقتىرىپ وتىرۋ ءۇشىن جۇزەگە اسىرىلادى.

الماتى قالاسىنىڭ اكىمدىگىمەن، قر دەنساۋلىق ساقتاۋ مينيسترلىگىمەن اتالعان مەديكامەنتتەردى جەدەل الۋ مەن جۇزەگە اسىرۋعا جاردەمدەسۋدە بارلىق شارالار قولعا الىندى.

قر دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ مالىمەتتەرى بويىنشا دارىلىك قۇرالدار مەن پرەپاراتتار دەكلاراتسيالاۋ جولىمەن ءۇش كۇن ىشىندە سەرتيفيكاتتالادى.

ء"بىزدىڭ تاراپىمىزدان قر ۇكىمەتىنە پرەپاراتتاردى سەرتيفيكاتتاۋ، جاڭا پرەپاراتتاردى جەدەل تىركەۋ جانە تەز جەتكىزۋ پروتسەدۋرالارىن جەڭىلدەتۋ ۇسىنىسى جاسالدى. بۇل ۇسىنىستى ەكونوميكالىق ءوسىمدى قامتاماسىز ەتۋ جونىندەگى مەملەكەتتىك كوميسسيا قولدادى. وسىلايشا، ءبىز مەديتسينالىق پرەپاراتتاردى سەرتيفيكاتتاۋ مەن ولاردى جەتكىزۋدەگى پرتسەدۋرالاردىڭ جەڭىلدەتىلۋىنە قول جەتكىزدىك. وسى شارالاردىڭ ءبارى قالانى دارىمەن قامتاماسىز ەتۋگە جانە جەدەل جەتكىزۋگە مۇمكىندىك بەرەدى"، - دەپ حابارلادى الماتى قالاسى اكىمدىگىنىڭ قالانى دارىلىك پرەپاراتتارمەن قامتاماسىز ەتۋ جونىندەگى ۇيلەستىرۋشى زاڭعار سالىمباەۆ. سونىمەن بىرگە، اعىمداعى جىلدىڭ شىلدە ايىنىڭ ورتاسىندا ءۇندىستاننان ەكى پارتيا ءدارى-دارىمەك كەلەدى دەپ كۇتىلۋدە.

كەلگەننەن كەيىن دارىلىك پرەپاراتتار ءتورت ءىرى فارماتسەۆتيكالىق كومپانيالار اراسىندا ودان ارى دارىحانالارعا جەتكىزىلۋ ءۇشىن بولىنەدى. بۇل مەدسەرۆيس پليۋس» كفك جشس، "حيمفارم" اق، "نوبەل الماتى فارماتسەۆتيكالىق فابريكاسى" اق، INKAR جەلىلەرى.

"حيمفارم" اق اتاپ وتكەندەي، ۆيرۋسقا قارسى پرەپاراتتارى بار جۇك مەملەكەتتىڭ جەدەل اۋە جەتكىزىلىمىنىڭ ارقاسىندا قازاقستانعا جەتتى.

"كومپانيا بارلىق قاجەتتى شارالاردى قولعا الدى، جانە تەك ءوز كاسىپورنىندا ءدارى ءوندىرۋ كولەمىن ۇلعايتىپ قانا قويعان جوق، سونىمەن بىرگە، رەسەيدەگى ءوزىنىڭ سەرىكتەستەرىمەن – ۆيرۋسقا قارسى پرەپاراتتار شىعاراتىن "اكريحين" كومپانياسىمەن بايلانىسقا شىقتى، ولار وندىرەتىن ۆيرۋسقا قارسى پرەپاراتتار قازاقستاندىق "حيمفارم" اق شىعارىلمايدى. وسى سەرىكتەستىكتىڭ جانە ماسكەۋدەن ترانسپورتتىق اۋە بورتىن ۇيىمداستىرۋدا ەكى مەملەكەتتىڭ كورسەتكەن جەدەل قولداۋىنىڭ ارقاسىندا قازاقستانعا بۇگىن "وسەلتاميۆير" ۆيۋسقا قارسى پرەپاتتىڭ ۇلكەن پارتياسى بار رەيس كەلدى. اتالعان پرەپارات ديستريبيۋتورلىق كومپانيالارعا دەرەۋ تيەلىپ، ەلىمىزدىڭ ءدارىحانالارىنا جاقىن كۇندەرى جەتكىزىلەدى"، - دەپ حابارلادى "حيمفارم" اق.

اتاپ وتەرلىك جايت، رف-نان كەلەتىن جۇكتەن وزگە الماتىعا شىلدەنىڭ سوڭىنا دەيىن الەۋمەتتىك ماڭىزى بار شامامەن 4،2 ملن قاپتاما ءدارى-دارمەك جەتكىزىلەدى دەپ كۇتىلۋدە.

"بۇگىن ءبىز ۇكىمەتتىڭ قولداۋى ارقاسىندا رەسەيدەن ەكى ۇشاقتىڭ كەلۋىن كۇتۋدەمىز. ەڭ قاجەت پرەپاراتتار جەتكىزىلەدى. ءبىز وتە قاجەت ءدارى-دارمەكتىڭ 13 ءتۇرىن جابامىز. ولار - ازيتروميتسين، تسەفترياكسون، يبۋپروفەن جانە باسقالارى. ءۇندىستاننان دا جەتكىزىلىم جوسپارلانعان. ۇشاقتار كوروناۆيرۋس ينفەكتسياسىن ەمدەيتىن پرەپاراتتاردى عانا بىزگە تاسىمالدايدى"، - دەدى «INKAR» جشس باس ديرەكتورى ءاليا ەرىمبەتوۆا.

ءوز كەزەگىندە "نوبەل الماتينسكايا فارماتسەۆتيچەسكايا فابريكا" اق شۇعىل تۇردە جەتكىزىلگەن پرەپاراتتاردىڭ بارلىعىنىڭ پاندەمياعا قاتىستى ەكەنىن اتاپ ءوتتى. ولاردىڭ ىشىندە كەڭ اۋقىمدى انتيبيوتيكتەر بار. جەتكىزىلگەن پرەپاراتتار ودان ءارى تاسىمالداۋ ءۇشىن ديستريبتەرلەرگە بەرىلەتىن بولادى.

ەسكە سالا كەتۋ كەرەك، الماتىدا قالا اكىمى باقىتجان ساعىنتاەۆتىڭ تاپسىماسى بويىنشا ءدارى-دارمەكتەردى ىركىلىسسىز جەتكىزۋ ءۇشىن وندىرۋشىلەرمەن، ءىرى جەتكىزۋشىلەرمەن جانە ءدارى-دارمەك ديستريبيۋتەرلەرىمەن بەلسەندى جۇمىستار جۇرگىزىلۋدە. بارلىق فارمكومپانيالار 1 شىلدەدەن باستاپ دارىحانالارعا الەۋمەتتىك ماڭىزى بار 581 مىڭ دانا پرەپاراتتاردى جونەلتتى، ولاردىڭ ىشىندە پاراتسەتامول، اسپيرين، ينگاۆيرين، يبۋپروفەن، ازيتروميتسين جانە باسقا دارىلەر، سونىمەن قاتار تەرمومەترلەر بار.

ءدارى-دارمەككە دەگەن سۇرانىستىڭ ارتۋى بارىسىندا قالا اكىمدىگى، جەتكىزۋشىلەر مەن ءدارىحانالار جەلىسى ءوزارا كەلىسىمگە قول قويىپ، ناتيجەسىندە الەۋمەتتىك ماڭىزى بار ءدارى-دارمەكتىڭ 41 ءتۇرى دەرەۋ جەتكىزىلەتىن 105 ءدارىحانا انىقتالعان بولاتىن. وسىنىڭ ارقاسىندا ءدارى-دارمەكتەردى جەتكىزۋ، ولاردىڭ باعاسىن كوتەرمەۋ جانە ءبىر قولعا ءۇش قاپتامادان ارتىق ءدارى بەرمەۋ ماسەلەلەرى رەتكە كەلتىرىلۋدە. سونىمەن قاتار، اتالعان 105 ءدارىحانادا دارىلەردىڭ وتۋىنە، ولاردىڭ 10 ءتۇرىنىڭ جانە تەرمومەترلەردىڭ قانشا قالعانىنا كۇن سايىن مونيتورينگ جۇرگىزىلەدى.

بۇدان وزگە، بۇگىن قالا اكىمى ب. ساعىنتاەۆ حابارلاعانداي، الماتىدا ءدارى دارمەكتىڭ تۇراقتى قورىن قۇرۋ ءۇشىن 5 ملرد تەڭگە ءبولىندى. قارجى جەتكىزۋشىلەردىڭ اعىمداعى باعا بويىنشا 6-8 ايعا ءدارى-دارمەك ساتىپ الۋىنا جانە ولاردى بىرتىندەپ قۇبىلمالى نارىق بارىسىندا وتكىزۋلەرىنە باعىتتالعان.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار