اتىراۋ قالاسىنىڭ 26 جاستاعى تۇرعىنىنىڭ پاتەرىن تەكسەرۋ كەزىندە ينگاۆيرين (5000 تەڭگە), دەكسامەتازون ۆيال (4000 تەڭگە), ازيتروميتسين (2000 تەڭگە), دەكسامەتازون (2000 تەڭگە), ليدوكاين بۋفۋس (1000 تەڭگە), مەترونيدوزول (1000 تەڭگە) ءدارى-دارمەكتەرى تابىلدى. ول بۇل دارىلەردىڭ بارلىعىن قىمبات باعامەن ساتىپتى.
ال, اۆانگارد ىقشاماۋدانىندا تۇراتىن تاعى ءبىر تۇرعىننىڭ پاتەرىندە مەديتسينالىق بەتپەردەنى بىرنەشە ەسە قىمبات باعاعا ساتقانى انىقتالدى. پوليتسيا قىزمەتكەرلەرى ونىڭ پاتەرىنەن 43 مىڭ مەديتسينالىق ماسكا تاپتى.
"قر پرەزيدەنتى قاسىم-جومارت توقاەۆ ۇكىمەت پەن قۇقىق قورعاۋ ورگاندارىنا پاندەميا كەزىندە دارىحانالارداعى اسا قاجەتتى ءدارى-دارمەكتەردىڭ نەگىزسىز قىمباتتاۋىنا جول بەرمەۋدى تاپسىردى. پوليتسيا قىزمەتكەرلەرىمەن انىقتالعان دەرەكتەر بويىنشا تەكسەرۋلەر جۇرگىزىلەدى", - دەدى اتىراۋ وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.
