ايماقتار • 10 شىلدە، 2020

ەلوردادا 12 جاڭا مەكتەپ سالىنىپ، 16 مەكتەپ جوندەۋدەن وتەدى

19 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ بىرقاتار ءبىلىم بەرۋ مەكەمەلەرىن جوندەۋ بارىسىمەن تانىستى. بۇل تۋرالى ەلوردا اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.


"بيىل 16 مەكتەپتى جوندەيمىز. قاسبەتىن جاڭارتىپ، شاتىرىن جوندەپ، تەرەزەلەر مەن ەدەندەردى اۋىستىرۋ جانە ت. ب. قاجەت. بۇگىن بىرقاتار وقۋ ورىندارىنىڭ، سونىڭ ىشىندە №3 مەكتەپ-گيمنازيانىڭ جوندەۋ جۇمىستارىنىڭ بارىسىمەن تانىستىم. قابىرعالاردا جارىقتار پايدا بولعان. مەكتەپتىڭ ىرگەتاسى وتىرا باستاعان. سونىڭ ناتيجەسىندە مەكتەپتى سۋ باسۋدا. بيىلعى وقۋ جىلىنىڭ باسىندا بۇل ماسەلەلەر شەشىلەدى"، دەپ جازدى ا.كولگىنوۆ ءوز ينستاگرام پاراقشاسىندا.

ونىڭ ايتۋىنشا، "جۇمىسپەن قامتۋدىڭ جول كارتاسى" باعدارلاماسى اياسىندا 16 مەكتەپتىڭ 13-ىندە كۇردەلى جوندەۋ جۇرگىزىلەدى. باعدارلاما بويىنشا 15 مىڭ جۇمىس ورنى اشىلادى. جۇمىسقا ورنالاستىرۋ ءبىرىنشى كەزەكتە جۇمىسپەن قامتۋ ورتالىعى ارقىلى جۇرگىزىلەدى.

"سونىمەن قاتار جاڭا مەكتەپتەر سالۋ بويىنشا ۇلكەن جۇمىستار اتقارىپ جاتىرمىز. بيىل 20 مىڭ وقۋشىعا ارنالعان 12 مەكتەپ سالامىز. كەلەسى جىلى 40 مىڭ ورىنعا ەسەپتەلگەن سونشا مەكتەپ سالىنادى. وقۋ ورىندارىن ءبىرىنشى كەزەكتە ورىن تاپشىلىعى بار جەرلەردە سالۋدامىز. مەكتەپ قۇرىلىسىنا جەكەمەنشىك يەلەرىنەن ينۆەستيتسيا تارتامىز"، دەپ اتاپ ءوتتى ا.كولگىنوۆ.


سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار