قاراشىعاناق مۇناي-گاز كەشەنىن يگەرۋشى قپو بۆ كومپانياسى بيزنەستىڭ الەۋمەتتىك جاۋاپكەرشىلىگى باعدارلاماسى اياسىندا جاساعان قايىرىمدىلىق كومەگى كوروناۆيرۋس ىندەتى ءورشىپ تۇرعان قازىرگى كەزەڭدە وتە پايدالى بولدى. "LADA Largus" اۆتوكولىگى بازاسىندا جابدىقتالعان قوس جەدەل جاردەم كولىگى كەرەۋەتپەن, قاجەتتى قۇرال-جابدىقتاردى قوياتىن قوندىرعىلارمەن جابدىقتالعان.
- ءبىزدىڭ بۇعان دەيىن پايدالانىپ جۇرگەن كولىكتەرىمىز "ۋاز" زاۋىتى ونىمدەرىنىڭ بازاسىندا ەدى. اۋداندىق اۋرۋحاناعا قارايتىن 6 اۋىلداعى جەدەل جاردەم كولىگى دە ابدەن توزعان, جۇرۋىنەن تۇرۋى كوپ بولاتىن. مىنا جاڭا كولىكتەر ءبىزدىڭ قىزمەتىمىزدىڭ تەز ءارى ساپالى بولۋىنا كومەكتەسەدى. اۋدان ورتالىعىنداعى ۋاز اۆتوكولىكتەرىن اۋىلدارداعى فاپ پەن مەديتسينالىق پۋنكتتەرگە بەرگەلى وتىرمىز. قازىرگى تاڭدا وبلىستىق جەدەل جاردەم مەكەمەسىنە قاراستى ەكى بريگادا, اۋداندىق اۋرۋحاناعا قاراستى جەدەل مەديتسينالىق 1 بريگادا تاۋلىك بويى جەدەل كومەك جاساپ وتىر. بىراق بۇل حالىققا جەتكىلىكسىز. كوروناۆيرۋستىق ينفەكتسيانىڭ ورشۋىنە بايلانىستى حالىق اراسىندا اۋرۋ كوبەيدى. ءبىز بولاشاقتا اۋدانعا كەلەتىن مەديتسينالىق مامانداردان تاعى دا جەدەل مەديتسينالىق كومەك بەرەتىن بريگادا جاساقتاۋدى جوسپارلاپ وتىرمىز, – دەيدى ءبورلى اۋداندىق اۋرۋحانا ديرەكتورىنىڭ مىندەتىن اتقارۋشى شىڭعىس سارسەنعاليەۆ.
جالپى, قپو بۆ كومپانياسى ءبورلى اۋداندىق اۋرۋحاناسىنىڭ ماتەريالدىق-تەحنيكالىق بازاسىن نىعايتۋعا ۇنەمى كوڭىل ءبولىپ تۇرادى. ايتالىق, جۋىردا ولار اۋداندىق اۋرۋحاناعا مەديتسينالىق جابدىقتاردى, وكپەنى جاساندى جەلدەتۋ فۋنكتسياسى بار ناركوز اپپاراتتارىن, كومپرەسسورلارىمەن بىرگە انەستەزيولوگيالىق قۇرالداردى سىيعا بەرگەن ەدى. بۇل يگى باستاما وزگە كومپانيالار تاراپىنان دا قولداۋ تاپقان. ماسەلەن, قازبۇرگاز اق بۇعان دەيىن 1 جەدەل جاردەم كولىگىن سىيلاعان بولاتىن. ال كەشە "اقساي يندۋستريالدى پاركى" سەرىكتەستىگى اۋداندىق اۋرۋحانا مەنشىگىنە LADA Vesta بازاسىنداعى جەڭىل اۆتوكولىكتى تابىس ەتتى.
باتىس قازاقستان
