الەمدە كوروناۆيرۋس ىندەتىنىڭ تارالۋى ازايماي تۇر, ءتىپتى كوپتەگەن مەملەكەتتە قايتا ءورشىپ كەتتى. بۇل سوزىمىزگە امەريكا, تاياۋ شىعىس, ازيا, اۋسترالياداعى جاعدايلار دالەل. ەلىمىزدە دە احۋال كۇردەلەنە تۇسكەنى بەلگىلى. سول سەبەپتى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ۇندەۋى ماڭىزدى ءارى قاجەتتى قادام بولدى.
تاجىريبە كورسەتىپ وتىرعانداي, كوروناۆيرۋسپەن كۇرەس مەملەكەت پەن حالىقتىڭ ءوزارا ارەكەتىن, قولداۋىن, تۇسىنىستىگىن, بيزنەستىڭ الەۋمەتتىك جاۋاپكەرشىلىگىن تالاپ ەتىپ وتىر.
بارىمىزگە ءمالىم, ەلىمىزدە كوروناۆيرۋس فاكتىلەرى تىركەلە باستاعان تۇستا مەملەكەت توتەنشە جاعداي رەجىمىن ەنگىزىپ, دەر كەزىندە قاجەتتى شارالاردى قابىلداي ءبىلدى. سونىڭ ناتيجەسىندە ىندەتتىڭ تارالۋىن ەداۋىر باسەڭدەتە الدىق. پرەزيدەنت حالىققا ارناعان ۇندەۋىندە كوروناۆيرۋسپەن اۋىرعاندارعا اۋرۋحانا توسەكتەرىنىڭ 70 %-عا دەيىن كوبەيتىلىپ, 43 مىڭعا جەتكەنىن ايتتى. تۇرعىندارعا ءۇي جاعدايىندا مەديتسينالىق قىزمەت كورسەتۋ ماقساتىندا 400 امبەباپ ءموبيلدى بريگادا جاساقتالعانىن جەتكىزدى. بۇل باعىتتاعى جۇمىستار, البەتتە, باسەڭدەمەۋى شارت. ءبىز مەديتسينا جۇيەسىن ۇيىمداستىرۋدا كەتكەن قاتەلىكتەردى دەر كەزىندە تۇزەتۋگە قابىلەتتى بولۋىمىز كەرەك. پرەزيدەنت وسىنى ەسكەرتتى.
قازىر ءبىر-بىرىمىزدەن كىنا ىزدەيتىن كەز ەمەس. الەمنىڭ بىردە-ءبىر ەلى بۇل ىندەتپەن كۇرەسۋدىڭ جولىن تاپقان جوق. ءوزىمىزدىڭ جانە جاقىندارىمىزدىڭ قاۋىپسىزدىگى مەن دەنساۋلىعىن ساقتاپ, قاراپايىم گيگيەنا, الەۋمەتتىك ديستانتسيا تالاپتارىن ورىندايىق. ازاماتتارىمىز وسى ارقىلى ىندەتكە قارسى كۇرەستەگى جەڭىستى قامتاماسىز ەتۋگە كومەكتەسەدى.
وسى تۇستا بيزنەستىڭ الەۋمەتتىك جاۋاپكەرشىلىگىن دە ارتتىرۋ ماڭىزدى بولىپ وتىر. سەبەبى سوڭعى ۋاقىتتا ازاماتتارىمىز ءدارىحانالاردا دارىلەردىڭ جوقتىعىنا, بار بولسا دا ولاردىڭ باعالارىنىڭ شارىقتاپ كەتكەنىنە شاعىمدانۋدا. بۇعان قارسى كەش بولسا دا قاتاڭ شارالار قولعا الىنۋدا.
كوروناۆيرۋس ءبىزدىڭ بىرلىگىمىزدى سىنعا سالۋدا. بۇل ىندەتتى دە از ۋاقىتتا جەڭەتىنىمىزگە كامىل سەنەمىن.
ايگۇل قاپباروۆا,
سەنات دەپۋتاتى
