ەڭ باستىسى, مەملەكەت باسشىسى ەلدەگى جاعدايعا جەتە ءمان بەرىپ, حالىقتىڭ قايعىسىنا ورتاقتاسا ءبىلدى. سالماقتى ساراپتاما جاساپ, وتانداستارىمىزدىڭ رۋحىن كوتەرىپ, جىگەرىن جانىدى. ادام بالاسى بولعان سوڭ كوڭىلگە مەدەۋ بولار ىزگى پەيىل كۇتەتىنىمىز جاسىرىن ەمەس. سوندىقتان وسىناۋ سىن ساعاتتا ەل پرەزيدەنتى جۇرتتىڭ ارىز-شاعىمىنا تۇسىنىستىكپەن قاراپ, ونىڭ ماسەلەسىن شەشۋگە دايار ەكەنىن تانىتتى. حالىقتىڭ كۇتكەنى دە وسى بولاتىن. ەڭسەسى تۇسكەن ەلدىڭ الداعى كۇنگە دەگەن ءۇمىتى جالعاندى, ءۇنى بيلىك باسىنا جەتتى.
پرەزيدەنت: ء«ار قازاق – مەنىڭ جالعىزىم» دەگەندەي, ءار ازاماتىمىزدىڭ قازاسى مەنىڭ جۇرەگىمە قاتتى باتادى. مىناۋ الاپات ىندەت ارامىزدان تالاي اسىلدارىمىزدى ج ۇلىپ اكەتۋدە. بۇگىندە قارا جامىلىپ وتىرعان ازاماتتاردىڭ قايعىلارىنا ورتاقتاسىپ كوڭىل ايتامىن. سول ءۇشىن 13 شىلدەنى – ۇلتتىق ازا تۇتۋ كۇنى دەپ جاريالايمىن», دەدى. قاراپايىم حالىقتىڭ قايعىسىنا ورتاقتاسۋ – كەمەلدىك پەن تەرەڭدىكتىڭ بەلگىسى ەمەس پە؟ ۇندەۋگە قۇلاق تۇرە وتىرىپ, مەملەكەت باسشىسىنىڭ بويىنان وسى قاسيەتتەردى اڭعاردىم.
ەلىمىزدە كەشەندى مەديتسينالىق قىزمەت كورسەتەتىن امبەباپ بريگادالاردىڭ سانى اي سوڭىندا 3,5 مىڭعا جەتپەك. وسىلايشا, مەديتسينالىق قىزمەت كورسەتۋ ءىسى دە تولىعىمەن قامتاماسىز ەتىلەتىن بولماق.
«سابىر ءتۇبى – سارى التىن» دەيدى دانا حالقىمىز. مەملەكەت باسشىسى دا «سابىرلى بولايىق» دەپ وتانداستارىمىزدى ىنتىماق پەن بىرلىككە شاقىردى. اقيقاتىندا بۇل ىندەتپەن كۇرەستە ءدارى-دارمەك قانشالىقتى قاجەت بولسا, سابىر دا سونشالىقتى كەرەك-اق. باسىمىز امان, باۋىرىمىز ءبۇتىن بولعاي.
ايگۇل سولوۆەۆا,
ەكولوگيالىق ۇيىمدار قاۋىمداستىعىنىڭ توراعاسى
