پىكىر • 10 شىلدە، 2020

ەڭ باستىسى – حالىق دەنساۋلىعى

229 رەت كورسەتىلدى

الەم كۇتپەگەن ىندەتپەن حالقىمىز بەتپە-بەت كەلگەندە بارلىق سالا ابدىراپ، توسىرقاپ قالعانى راس. جاھاننىڭ الدىندا تۇرعان كۇرمەۋى قيىن سىناق ەلدى دۇرلىكتىرىپ، اۋىر جاعدايلارعا الىپ كەلگەنى وكىنىشتى بولىپ وتىر.

دەگەنمەن ەل پرەزيدەنتى ق.توقاەۆتىڭ قوعامداعى جاعدايعا شى­نايى، رەسمي باعا بەرىپ، دەنساۋلىق ساقتاۋ جۇيەسىندە جىبە­رىلگەن قاتەلەردى تۇزەۋگە بايلا­نىس­تى جۇزەگە اسىرىلاتىن ءىس-شا­رالاردى اشىق تۇردە جاريا­لاعانى انىقتاۋشى فاكتور بولدى.

13 شىلدەنىنى ۇلتتىق ازا تۇتۋ كۇنى دەپ بەلگىلەۋ، وسى ىندەتتەن قايتىس بولعان ازاماتتارىمىزدى ەسكە الۋ – ادامدىق بورىشىمىز. جاقىنىنان ايرىلعان ءاربىر وتباسىنا قايعىرىپ كوڭىل ايتامىن. «ادام بالاسىنا ادام بالاسىنىڭ ءبارى – دوس»، دەپ ۇلى اباي ايتقان­داي، الەمدى كەسەل جايلاعان دۇربەلەڭ كەزىندە حالقىمىزعا ەڭ باستىسى سابىرلىلىق، دوستىق، باۋىرمالدىق قاجەت. اۋىر سىناق­تان بەرەكە-بىرلىكپەن، ىن­تىماقپەن ءوتۋىمىز ابزال.

بۇل ىندەتپەن كۇرەس بارىسىندا كەز كەلگەن نارسەگە نەمقۇرايدى، ءۇستىرت قاراۋعا بولمايتىندىعىن ۋاقىت انىق كورسەتتى. ارينە، «تاس تۇسكەن جەرىنە اۋىر»، ەڭ اۋىر سالماق دەنساۋلىق ساقتاۋ مينيسترلىگىنە تۇسەتىنى راس. دەگەنمەن مەديتسينا، ءدارى-دارمەك سالاسىنداعى ءىس-شارالاردى ۋشىقتىرماي، اقىل­مەن ۇيىمداستىرا وتىرىپ قيىن­دىقتان شىعۋ – بارىمىزگە مىندەت. پرەزيدەنت ءدارى-دارمەكتىڭ باعا­سىن پايداكۇنەمدىك ماقساتتا ءوسىرىپ، ونسىز دا قيىن جاعدايدى بەلگىلى ءبىر ماقساتتارعا پايدا­لانۋعا تىرىسقانداردىڭ ءتيىستى ورگاندار تاراپىنان قاتاڭ جازالاناتىنىن ايتتى. جاھاندىق ىندەتپەن كۇرەسۋدە ارەكەتسىزدىك، شاراسىزدىق، ەنجارلىق تانىتقان جاۋاپتى تۇلعالاردىڭ زاڭ تۇرعى­سىنان جاۋاپكەرشىلىگى جەكە قاراس­تىرىلاتىنىن مالىم­دەدى. سىندارلى ساتتە ىشكى بىرلىگىمىزدى ساقتاي وتى­­رىپ، كەز كەلگەن كەدەرگىدەن، قيىن­­دىقتان سانالى سابىرمەن، پايىم­دى پاراساتتىلىقپەن وتۋگە بولا­تىندىعىن ۇقتىردى.

حالقىمىزعا اماندىق تىلەپ، كارانتين شارالارىن قاتاڭ ساق­تاۋعا، ال ءتيىستى مەملەكەتتىك ورگان­داردى ءوز قىزمەتىنە قىراعى جاۋاپ­كەرشىلىكپەن قاراپ، حالىقتىڭ جاعدايىن جاساۋعا شاقىرامىز، سەبەبى ءبىزدىڭ مەملەكەتىمىزدىڭ ەڭ قىمبات قازىناسى – حالقىمىز!

 

مۇحتار تولەگەن،

سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ رەكتورى، پروفەسسور

سوڭعى جاڭالىقتار

ۇقساس جاڭالىقتار