بايقاعانىمىزداي, پرەزيدەنت جاعدايعا تۋرا قاراپ, ماسەلەنى اشىق مويىندادى. «بىزدە ءبارى جاقسى» دەگەن بەلدەن باسۋ جوق. وسىعان دەيىن دە مەملەكەت باسشىسىنىڭ «اۋرۋىن جاسىرماي», شىندىققا تىكە قاراي الاتىن قاسيەتىن تالاي كوردىك. پرەزيدەنت كەزىندە قيىن جاعدايعا تاپ بولعان ەل تۇرعىندارىنىڭ نەسيە قارىزىن كەشىرۋدى تاپسىردى. جەكە تابىس سالىعىنا قاتىستى دا وڭتايلى شەشىمدەر قابىلدادى.
ەل حالقى قيىندىققا تاپ بولعاندا ايتىلعان سوزدەر كوڭىلگە دەمەۋ بەردى, قوعامداعى وزەكتى ماسەلەلەردىڭ شەشىلەتىنىنە سەنىم پايدا بولدى. دەنساۋلىق ساقتاۋ جۇيەسىنىڭ ىندەتكە تويتارىس بەرۋگە دايىن بولماعانىن ايتىپ, وسى ماسەلە بويىنشا تەرگەۋ جۇرگىزۋ جانە بۇل جاعدايدان ساباق الۋ قاجەتتىگىن جەتكىزدى. ق.توقاەۆ ايماق باسشىلارىنىڭ جىبەرگەن قاتەلىكتەرىنە دە ءتيىستى باعا بەرىلەتىنىن ايتتى. پرەزيدەنت ۇسىنعان قادامداردان جاعدايدىڭ ءجىتى باقىلاۋدا ەكەنى انىق بايقالادى. بۇل ەرتەڭگە دەگەن سەنىمدى ودان سايىن كۇشەيتە تۇسەدى. پرەزيدەنتتىڭ حالىققا ۇندەۋى توسىننان كەلگەن ىندەتتەن ابدىراپ قالعان تۇرعىندارعا دەمەۋ بولعانى ءسوزسىز. قولعا الىنعان شارالاردىڭ ءتيىمدى جۇزەگە اسىپ, ناتيجە بەرگەنىن اسىعا كۇتەمىز.
باۋىرجان سەرىكباەۆ,
ەۋرازيالىق ينتەگراتسيا ينستيتۋتىنىڭ ساراپشىسى
