مەديتسينا • 09 شىلدە، 2020

ايدىڭ سوڭىنا دەيىن الماتىعا 3 ملن قاپتاما ءدارى جەتكىزىلەدى

25 رەت كورسەتىلدى

الماتى اكىمدىگىنىڭ قالانى ءدارى-دارمەكپەن قامتاماسىز ەتۋ جونىندەگى ۇيلەستىرۋشىسى زاڭعار سالىمباەۆتىڭ ايتۋىنشا، شىلدە ايىنىڭ سوڭىنا دەيىن مەگاپوليسكە ءۇش ميلليوننان استام ومىرلىك ماڭىزى بار ءدارى-دارمەك جەتكىزىلەدى، دەپ حابارلايدى Egemen.kz

ز.سالىمباەۆتىڭ ايتۋىنشا، شامادان تىس سۇرانىس ءدارى تاپشىلىعىنا اكەلىپ وتىر. ماسەلەن، ەگەر وتكەن جىلى الماتىداعى فارماتسەۆتتەر وتكەن ايدا شامامەن 50 مىڭ قاپتاما پاراتسەتامول ساتسا، وتكەن اپتانىڭ وزىندە 260 مىڭ قاپتاما قىزۋدى تۇسىرەتىن دارىلەر ساتىلعان. ماسەلەنى شەشۋ ءۇشىن الماتى قالاسىنىڭ اكىمى ب. ساعىنتاەۆتىڭ تاپسىرماسىمەن وندىرۋشىلەرمەن، جەتكىزۋشىلەرمەن، ءدارىحانالار جەلىسىمەن جانە مامانداندىرىلعان قاۋىمداستىقپەن مەموراندۋمعا قول قويىلدى.

"22 ماۋسىمنان باستاپ ءبىز ءىرى جەتكىزۋشىلەرمەن، وتاندىق وندىرۋشىلەرمەن، ديستريبيۋتورلارمەن، ءدارىحانالار جەلىسىمەن جانە فارماتسەۆتيكالىق كومپانيالارمەن بەلسەندى جۇمىس جاساۋدامىز. ولار كەلىسىمگە قول قويدى، وندا ءىرى جەتكىزۋشىلەر، رەسمي ديستريبيۋتورلار الماتى قالاسىنداعى 105 دارىحاناعا الەۋمەتتىك ماڭىزى بار ءدارى-دارمەكتەردىڭ باسىم بولىگىن جەتكىزەتىن بولادى"، دەپ ءتۇسىندىردى ز.سالىمباەۆ.

جاعداي الماتى اكىمىنىڭ ۇنەمى قاداعالاۋىندا. فارماتسەۆتيكالىق نارىق قاتىسۋشىلارى ءدارى-دارمەكتەر قورى تۋرالى جانە اكىمدىك شەشۋگە كومەكتەسىپ جاتقان قيىندىقتار تۋرالى جەدەل تۇردە حابارلاپ وتىرۋدا. اتاپ ايتقاندا، اكىمشىلىك كەدەرگىلەر جويىلىپ، ءبىزدىڭ نارىققا بۇرىن كىرمەگەن يمپورتتالعان دارىلەردى جەدەل سەرتيفيكاتتاۋ شەشىلۋدە.

ز.سالىمباەۆتىڭ ايتۋىنشا، 1 شىلدەدەن باستاپ قالالىق دارىحانالارعا 475 مىڭ ماڭىزدى ءدارى-دارمەك الىندى. ونىڭ ىشىندە پاراتسەتامول، اسپيرين، ينگاۆيرين، ازيتروميتسين جانە كارديماگنيل بار.

"شىلدە ايىنىڭ سوڭىنا دەيىن مەگاپوليسكە ءۇش ميلليوننان استام ءدارى-دارمەك جەتكىزىلەدى. ونىڭ ىشىندە 2،2 ميلليون قاپتاما پاراتسەتامول، 391 مىڭ اسپيرين، 160 مىڭ يبۋپروفەن، 60 مىڭ ينگاۆيرين، 99 مىڭ ازيتروميتسين جانە باسقا دا الەۋمەتتىك ماڭىزى بار دارىلەر. ءۇش رەيس جەتكىزىلەدى دەپ كۇتىلۋدە - ەرتەڭ ۇشاق رەسەيدەن، 12 جانە 15 شىلدەدە ءۇندىستاننان كەلەدى"، دەپ تولىقتىردى ز.سالىمباەۆ.

جاۋاپتى ماماندار وسىلايشا، ءدارى-دارمەك نارىعىنداعى جاعداي تولىعىمەن تۇراقتاندىرىلادى دەپ سەندىرىپ وتىر.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار