پارلامەنت • 09 شىلدە، 2020

ەلىمىزدىڭ ءار ازاماتىنا جاۋاپكەرشىلىك جۇكتەلىپ وتىر

38 رەت كورسەتىلدى

ىندەتپەن كۇرەسۋ ءۇشىن مەملەكەت تاراپىنان العاشقى كەزەڭدە-اق ءتيىستى شارالار قابىلدانعانى بەلگىلى. سول ارقىلى اۋرۋدىڭ دەرەۋ اسقىنىپ كەتۋىنە جول بەرگەن جوقپىز. بىراق جاۋاپتى ورگانداردىڭ جۇمىستى ۇيىمداستىرۋدا ولقىلىقتارعا بوي الدىرعانىن مويىنداۋىمىز كەرەك.

مەملەكەت باسشىسى بۇل ماسەلەنىڭ جاۋاپسىز قالمايتىنىنا كوڭىل ءبولىپ، دەنساۋلىق ساقتاۋ جۇيەسى مەن اكىمدەردىڭ جۇمىسىنا ءتيىستى باعا بەرىلەتىنىن قاداپ ايتتى.

سونىمەن قاتار ءوز ۇندەۋىندە پرەزيدەنتىمىز مەملەكەتتىك ورگاندارعا، جەرگىلىكتى اكىمدەرگە تاعى دا ناقتى تاپسىرمالار بەردى. ەندى العاشقى كەزەڭدەگى قاتەلىكتەر قايتالانبايدى دەپ سەنەمىن. اسىرەسە، ءدارى-دارمەكپەن قامتاماسىز ەتۋ، اۋرۋحانالارداعى ورىن سانىن ارتتىرۋ سياقتى وزەكتى ماسەلەلەر بويىنشا جۇيەلى جۇمىس جۇرگىزۋ قاجەت.

مەملەكەت ازاماتتاردى اۋرۋمەن بەتپە بەت قالدىرمايدى. سول سەبەپتى، بارلىق شارالاردى قابىلداپ، جۇمىستى جالعاستىرا بەرەدى. بىراق، مۇنىڭ ءبارى تارازىنىڭ ءبىر باسى عانا. ال ەكىنشى جاعىندا حالىق تۇر. سول ءۇشىن ءبىز تارازىنىڭ ەكى باسى تەڭ بولۋىنا باسا ءمان بەرۋىمىز كەرەك. ەگەر ازاماتتار ساقتىق شارالارىن ساقتاماسا مەملەكەت قولعا العان جۇمىستاردىڭ ناتيجەسىز بولۋى ابدەن مۇمكىن.

قازىر ەلىمىزدىڭ ءار ازاماتىنا ۇلكەن جاۋاپكەرشىلىك جۇكتەلىپ وتىر. COVID-19 ىندەتىن ەڭسەرىپ شىعۋىمىز، ەڭ الدىمەن، ءبىزدىڭ ىنتىماعىمىزعا بايلانىستى دەپ ويلايمىن. مەملەكەت باسشىسى دا ءوزىنىڭ ۇندەۋىندە «بالكىم بۇل ءبىزدىڭ بىرلىگىمىزدى بايقاۋ ءۇشىن بەرىلگەن سىناق شىعار» دەدى. سوندىقتان ءبىز ءدال قازىر بايبالامعا سالىنباي، ۇرەيدەن ارىلىپ، بەكەم بىرلىك تانىتىپ، ىرگەلى ەل ەكەنىمىزدى كورسەتۋىمىز كەرەك.

تاعى ءبىر ايتا كەتەر جايت، بۇگىندە كەيبىر ازاماتتار كەز كەلگەن اقپاراتقا، دايەكسىز، دالەلسىز مالىمەتتەرگە سەنە بەرەتىن بولدى. بۇل احۋالدىڭ ودان ءارى ۋشىعۋىنا سەبەپ بولىپ وتىر. مەملەكەت باسشىسى بۇل ماسەلەگە دە نازار اۋدارىپ، حالىقتى اداستىرعان ادامداردىڭ جاۋاپسىز قالمايتىنىن ايتتى.

ارينە، قازىرگى جاعداي ەشكىمگە وڭاي ءتيىم جاتقان جوق. الايدا، تالاي ناۋبەتتەن امان قالعان ەلمىز عوي. سوندىقتان بارشا حالىقتى بۇل جولى دا ەلدىگىمىزگە سىزات تۇسىرمەي، جۇدىرىقتاي جۇمىلىپ ارەكەت ەتۋگە شاقىرامىن.

 

عۇمار دۇيسەمباەۆ،

پارلامەنت سەناتىنىڭ دەپۋتاتى

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار