قازاقستان • 08 شىلدە، 2020

قازاقستاندا 460 كاسىپورىن 18،3 مىڭ قىزمەتكەرگە جالاقىسىن بەرمەگەن

70 رەت كورسەتىلدى

2020 جىلعى 1 شىلدەدەگى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 460 كاسىپورنىندا 18،3 مىڭ جۇمىسكەردىڭ الدىندا جالاقى بويىنشا 1،9 ملرد. تەڭگەدەن استام قارىزى بار ەكەنىن انىقتادى. بۇل تۋرالى ەڭبەك جانە الەۋمەتتىك قورعاۋ مينيسترلىگى حابارلادى، - دەپ جازادى Egemen.kz

اتالعان كاسىپورىنداردىڭ جەتەكشىلەرىنە ورىنداۋعا مىندەتتى 315 ۇيعارىم بەرىلىپ، 41،5 ملن تەڭگەدەن استام سوماعا ايىپپۇل سالىندى.

قابىلدانعان شارالار، ونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋ ناتيجەسىندە 17 مىڭنان استام قىزمەتكەردىڭ قۇقىقتارى قورعالدى. ولارعا 1،78 ملرد. تەڭگە تولەندى.

جالپى، اعىمداعى جىلعى قاڭتار-ماۋسىم ايلارىندا مەملەكەتتىك ەڭبەك ينسپەكتورلارى 1،9 مىڭ تەكسەرۋ جۇرگىزىپ، 3 مىڭ قر ەڭبەك زاڭناماسىن بۇزۋ فاكتىلەرىن انىقتادى جانە 91،8 ملن تەڭگە كولەمىندە ايىپپۇل سالىندى.

سوڭعى جاڭالىقتار

ۇقساس جاڭالىقتار